عشق محرم

الحلقة 132

هابط في الدروج يرا فيهم قاعدين يفطرو تطمن خاطر فقدهم البارح
صباح الخير أميرة سافا بنتي ،أميرة ما جاوبتوش ،جاوبتو مريم : امم سافا سافا طونطون طارق ايجا اقعد
قعد: ياخي ويني اللا عيشة موش بش تهبط تفطر
مريم : لا قالت تاعبة شويا توا نزيد شويا و نطلعلها الفطور
تلفت طارق لفاطمة لقاها مطبسة راسها و تاكل: امم و نتي شبيك قالبة علينا وجهك للا لاباس ، قلقناك في حاجة ؟(طارق يتبهلل)
فاطمة: لا لا ، خوذو راحتكم الدار داركم
طارق: نعرف موش نستنا فيك تقلي و غمزها ياسر تغششت اما موش لازم مدام مزال عندها السلاح لي بش تواجهو بيه قاعدة تحاول تكون باردة قد ما تنجم قبل ما تشن الحرب
أميرة: امم مالا ماناش ناوين نروحو اه
طارق: لا وه شموصلنا للمرواح أنا مزلت مطول مدام للا فاطمة فرحانة بينا اون بليس دار عزيزك عزيزتي اقعد قد ما تحب و مان فديت توا نروح بيك
مريم: أنا الحق ما فديتش عاجبني الجو
اميرة: امم حتى انا اي سيرتو اني تعرفت على فاطمة
فاطمة تصدمت عيناها ديركت ترشقت فيها ، اول مرك يتذكر اسمها الحاف ، الدم طلعلها و أميرة قعدت تخزرلها و ما هبطت عينها كان ما فاطمة هبطتهم قبل
قامت ايا صحه ليكم ، مريم كمل و أخلط عليا آه

قاعدين فالقهوة يحاولو يرجعو شويا الجو لي بيناتهم بعد العملة لي عملها أمين و زيد مالك معرفش كيفاه يصلحها باخي عمر عيطلهم بش يستنبطو حل يطيرو بيه أشرف
مالك : ما نجمتش ياعمر بش تفهم مسهلها نمشيلها اهلا نور امين هو لي اغتصبك ، تحب تفزع علينا العباد
عمر: قتلك قول لامك انا فماشي ما تعاونا هي
مالك: حتى هي ما نجمتش نقلها جاتني رزينة الحكاية
ونتي سي مولا العملة ناسيها الحكاية أه انتي اعمل و احنا لا يزي نسامحو و نزيدو نحلولك مشاكلك
امين: ااووف يا مالك تي غلطة الزح زيد... زيد ما نجمتش نشد روحي قدامها
عمر: اممم باهي باهي بركا اما لازمنا نلقاولها حل عملتك هذي قبل ما تحبل الطفلة ماك تعرف ماشي فيبالها لي مالك ورا الحكاية دونك بش تبقا تستنا في صغير بعد ما كذبتها الناس الكل
مالك ضرب في مخو كلامو: امبوسيبل كيفاه ما خممتش فيها : اي اي تي اي باز بش تستنا ليت كرشها تكبر بش الكل يصدقوها و تستناه لين يولد زادا بش تعملو تاست و دار لأمين عجبك هكا سي البطل
امين مصدوم كيفاه ما يخممش في حاجة هكا سارح في كلامهم هزوه لعالم آخر جملة بالحكاية هذي