عشق محرم

الحلقة 29

أمين كمل سهر بحذا مالك و خرج نور كانت راقدة في البيت لي بجنب مالك هي سمعت صوت باب بيت مالك وهي تنطرت حلت باب بيتها
نور: أأأ أمين صار هو نتي
أمين بقا واقف و شاد الباب : نور صار نتي مزلت ما رقدتش
نور حبت تغزل مالك ولات تحكي بصوت عالي و تطل عليه :لا مزلت ما جانيش النوم قلت كان نتي تحب تجي بحذايا نكملو نلعبو الشطرنج و زيد أنا ضربني القلق وحدي..ااا كان تحب b1 sur
تحكي وطل من الباب على مالك أما هو ماهواش لهنا راقد يحكي مع مريم
أمين ما عرفش شيقول: اااا ...أي بطبيعة نجي كان هذا ما يقلقكش
نور: أأأ لا عادي
أمين صكر الباب و مشا يسهر بحذا نور إلي ملي شافت مالك يحكي فالتليفون وهي على أعصابها
أميرة طالعة فالدروج تسمع في صوت أمين في بيت نور
قربت للباب
نور: تييي أمين تحايل الزح أنا لي كليتك
أمين: تي يابنتي وين نحايلي تي شوو كش ملك و إنتي عندك الوزير
نور: تي أميين نتي لي بدلتو البيدق كان لهنا
  أميرة عرفتهم بداو يلحمو و جوهم فسفس تبسمت و دخلت
أمييرة: أمين صاار نتي لهنا
نور: أوووه أميرة ما تعرفش تدق الباب فجعتني
أميرة: سمالله عليك و نتي كي ما عاملة شي مناش عندك تتفجع و غمزتها(أميرة كانت تقصد في العملة متاعها لمالك) نور حمارت و سكتت
أمين: أمييرة مرحبا هاو سيبك بكري عمر اليوم عمل المليح
أميرة: هههههه ممصطك هاو جوكم حفالي نتوما pop corn ، jus , w chips, مالا ماللي خليتكم ونتوما تلعبو فالشطرنج
أمين : لا ماو سي خوك جاء و حرم علينا ياخي رصاتلنا طرح بكري نكملو فيه تواا
أميرة: ههه أأأ باهي كملو ألعبو مالا هاني جايتكم نوصل بيتي نبدل حواجي و نرجع نسهر بحذاكم

نور ما عجبتهاش الفازة خاتر عجبتها القعدة هي و أمين قالت باهي بالسيف
أمين: باهي و شوفلنا حاجة من هاك الفريجيدار متاعك
أمييرة: باهي صخطة هذا الكل و مزلت تحب تاكل
أميرة مشات لبست بيجاما و جابت فيدها باكو Rafaeelo و جات
أميرة: هيا سي أمين أضرب عندك هاو بزهرك لقيتلك الشوكولا لي تحبها و قول أميرة خايبة
أمين: يعيشك يا أحلى أمورة في الدنيا و قرصها من خدها
بقاو يلعبو فالشطرنج كل مرة واحد و بعد بدلوها اونو كملو حلو Netflixقعدو يتفرجو على فيلم و نور ملي جات أميرة وهي تغزل ما هضمتهاش بالكل