عشق محرم

الحلقة 128

مالك: ههههه هيه جبت الجديد تو انتي ماو فيبالي بالشي هذا ، ما فهمتكش، يعني يعني انتي جاي تخطب فيها مني؟ و عاود تفلق بالضحك
امين خلاه يضحك و قرر يقلو: لا لا ، اما جيت نقلك بالشي لي ما تعرفوش سيادتك باللي نور ليلت لي قالت لي انتي اغتصبتها وقتها هي تقصد فيا انا موش فيك انتي
مالك كان يضحك ملامحو تبدلت بعديكا عاود تفلق، يضحك و يتصكك بالدموع موش منجم ياقف
مالك:هههههههههههههههههههههههههه اوووه يا ربي معاش نجم ، يا ربي هاك ترا فاش نعاني راني عبدك يا ربي ههههههههههههه احم سامحني والله سامحني، اما، اما ههههههههههههاااااااهههههههههههه، احم يعني تحب تقلي لي نور قلقت من اتهاماتها لمالك حبتك انتي لي تكون مغتصبها المرة هذي، يعني حبت تلفقلك تهمة ياخي غلطت قالت مالك ههههههههه، امين يا ولدي شبيك ياخي لاباس عاملة فيك نور اه ولا حبيت ترد حكايت اغتصابها بالحق
امين: مالك انا لي فلقتها نور الليلية هذيكا، هي موش تكذب اما ماشي فيبالها لي انتي لي عملت فيها كاكا
مالك تبدلت ملامحو و قام : فاش تحكي اه ؟!؟! وجهو تلخلخ مخو سطع في حيط
امين: اي مالك وقت لي خرجت انتي تجيب في اميرة في الليل.....
قص عليه مالك و هو يعيط: يعني سيااااااادتك تستغل في الفرصة.... اااااه تستغل في عدم وجوووودي بش تعمل عملتك في بيتي و تلفقليييي اللتهمة؟؟؟؟؟؟؟
امين: لا مالك موش كيما ماشي فيبالك
مالك: مالا كيفاش فما تفسير اخر ، صار هو انتي سي صاحبي ورا مصايبي هذي، ااااه ،(شادو من سوريتو يخنق فيه) لا صحيتك تووووب رجلة و انا عاطيك الجنب طلعت طححااان و ماكش رااجل، اصل كيفاه توصل تخمم بش تحط يدك على وحدة من عايلتي يا مسخ... اخخرج ، قتلك اخرج تفووووه عليك يلي ماكش راجل و دزو للباب :مزلت تخمم باش تقربلي ولا تقرب من عايلتي ولو خطوة وحدة نقصفلك عمرك و احمد ربك ما عمتلك شي تفووه
أمين: ستنا نفسرلك يا مالك، الحكاية موش كيما ماشي في مخك
سكر الباب و مخو باش يتفلق، توقع من الناس الكل كان منو هو، امين لي حاسبو كيف خوه يبات و يصبح في دارو ، يحك في راسو يمشي و يجي و الف سؤال يدور في مخو، الطفلة طلعت تحكي بالحق اما علاش قالت لي انا، باز تفاهمو في بعضهم باش يكعبروهالي ، الدم و العصب راكبينو يغزل ، يمشي و يجي بعديكا تفكر عمر
عمر : وي مالك سافا
مالك: امبن يا عمر هو لي اغتصب نور و هي قالت لي انا
عمر يسوق في الكياس شد فران : شنووووواااه
الكراهب تزمر من تالي و هو حابس :لحظة لحظة مالك ما تدخلنيش في حيط، ريكا الكرهبة عالطريق و رجع يحكي، فاش تحكي مالك ياخي؟
مالك: اي يا عمر انا كيفك مستغرب و حاير و مصدوم
عمر: لا لا باز انتي فهمت بالغالط ما يعملهاش امين
مالك: مالا عملها ياسي عمر و هو لي كان هنا و يحكيلي قلي لي انا لي اغتصبتها
عمر: مالا علاه نور قالت انتي
مالك : باز تفاهمو عليا هي وياه
عمر: فاش تحمي يامالك امان كيفاه بش تتفاهم عليك و هي وقتها منهارة ما ريتش حالتها الطفلة موش في وضعية متع بش تخون ولا تكذب على شرفها
ماللك :اييه ما تعرفهاش اذيكا ، تبيع روحها و تخلص ، و تفول مالك اغتصبني
عمر لي قاعد يقول فيه مالك موش مستوعبو، و عارف لي فما حاجة غالطة في الحكاية
عمر: باهي يا مالك هدي روحك نتي توا هاني جايك توا نفهمو شنيا الحكاية
عمر علق دور الكرهبة ناشي لمالك و يطلب في امين
امين تليفونو في الكرهبة ما هزش عليه مزال خارج من الشركة وصل للكرهبة لقا عمر طالبوعرف لي مالك قالو عاود طلبو
عمر: صحيتك سي الشباب ما قصرتش
امين: عمر انتي وينك توا بلا غير ما تكسرلي راسي
عمر: هاني في الطرق ماشي لمالك بعد لا حكالي على عملتك
امين: هاني في البركينغ متع الشركة مزلت امشي و علق
عمر دقيقتين ووصل حكالو امين على كل شي و قلو لي هي لي جاتو و دخلتلو عريانة ولي هو ما كانش فيبالو لي هي تستخايلو مالك خاترو ما عرف كان مبعد لي هي تحب مالك و لي هي ماشافتش وجهو اذاكا علاش مشا فيبالها مالك
عمر: حتى انا قلت ، عرفت لي مالك موش فاهم كالعادة اما انتي زادا امين كان لازمك تفلو من قبل ، تعرف شقالي كيف كلمني قالي باز لي ننتوما متفاهمين مشا فيبالو متفاهمين
امين: انا قدام من مرة حبيت نجبدلو اما هو كان يسكتني و يبدل الموضوع و نتي تعرفني عمر انا نجم نخبي حاجة هكا على مالك
مالك خارج مالشركة تلفت يلقاهم واقفين الزوز فالبركينغ و يحكيو نارو شعلت لأمين جاه بش يضربو
مالك: فاش تعمل انتي لهناا ااااه موش قتلك معاش نحب نرا منظرك اااااه
عمر بيناتهم يحز فيهم: مالك يا مالك عيش خويا هدي روحك موش قتلك راك فاهم بالغالط
مالك: شنواا لي فاهم بالغالط يا عمر ما تحاولش تغطي عليه هو بفمو قالي كل شي