عشق محرم

الحلقة 35

مالك حط الحطة و خرج بعد ما قنعتو أميرة بش يجي يفطر معاهم مشا
أميرة: أوووو هاو العروس جا
عمر : ههههه العرس مزال قول الخطيب
أمين: ههههه أذاكا توحشني من ٱمس شافنيش جاء شيشوفني
مالك مزال داخل في الباب و يشوف فيهم كيفاه يضحكو عرفهم يفركو فيهم عليه ضحك
عمر : أووو هاو يسمع عن بعد شوف أسيدي يضحك و هو مزال ما وصلش
أميرة: أأأ شفيبالك خويا متطور راو
مالك: أيا كملو كملو هاني جيت أو موان أڨرضوني وأنا نسمع
عمر : صار نتي تضحك من غادي و ماكش تسمع
مالك : هههه برو توحشتك حملو بعضهم عمر و أنا زادا
أمين قام و هوما مزالو محملين بعضم: أأأهااه شنوا تو مالك تتوحشو هو و أنا لا راني خوك
مالك ڨحرلو
قعدو يضحكو و يفدلكو
أميرة: و أنا أختك لحمك و دمك لا ما فماش تعنيقة
مالك: نتي ديما وجهي في وجهك خلي في الدار
أميرة : هههه فاد مني معناها
مالك: أأأ حقى عمر على ذكر أميرة وقتاش تهزها بربي و ترتحني راي مارجتلي الكبيدة متاعي و تمشيش تسكن بيها لهنا رد بالك تو نشريلكم دار في جزيرة مهجورة و بعيدة على تونس سيرتو

أميرة ضربت مالك على كتفو: أمااان مالك
مالك: ولازم ما يكونش فيها لا مطار لا ستاسيون تاع ميترو باش تنجموش تجيو
عمر: هههههههه مالا كيفاه شنمشيو بلاهي
أمين: في صاروخ ساهلة برشا
مالك: هاو قلك ههه
أميرة : هاهاها ممصتكم
مالك: قتلك عيطلي
أميرة أيا قوم روح
مالك: لا أنا شويا و ماشي لمريم
عمر: أتك أتك ماعاش تنجم تقعد دقيقة بلا غير لا تراها
أميرة : ولا يسمع صوتها 24 ساعة وهو وياها فالتليفون ما فهمتش كيفاه يشرجيو تاليفوناتهم كي يوفا الصولد و هوما يحكيو
أمين: ههه يضهرلك سي مالك ما عناش رجال يشوفو نساهم قبل الخطبة بنهار لازم جمعة كاملة ماتراهاش قبل الخطبة و إنتي ٱمس برك معاها
أميرة: هههه صباح و عشية
عمر: ههههه.
مالك: شنوا ههه معناها نقعد أنا نهار كامل ما نراهاش يضهرلك صاحبي
أميرة: ٱٱي شنوا يضهرلك هاذي راك ماكش بش تشوفها مريم اليوم
مالك: شنوا