عشق محرم

الحلقة 64

تطلب فيه تليفونو خارج نطاق التغطية موش عارفة شنوا بش تعمل متحيرة عليه برشاا مهياش عارفتو وين و في نفس الوقت متغششة عليه عالأخر هابطة في الدروج و تسأل على مالك قالولها لي هو خرج مع أمين مشات للصالة قعدت و حطت يدها على وجها تخمم جاتها أماني:
صباح الخير مدام بسمة..-.بسمة سارحة ما جاوبتهاش- ... مدام بسمة انتي لاباس.....مدام بسمة... وقدمت منها مستها فيقتها من سرحتها
بسمة: اه...aaaa أماني
أمل :انتي لاباس مدام....مريضة..تحب نجيبلك ترونجية بالزهر
بسمة: لا أماني يعيشك حتى الفطور ما عينش
أمل: حاضر مدام على راحتك هي دارت و جات شتمشي
بسمة: أماني أماني.
امل: وي مدام.
بسمة: ياخي أميرة فاقت
أمل: أي مدام خرجت الصباح بكري قبل حتى سي مالك
بسمة: اهااا...باهي و مليكة
امل لا مزالت مدام.. تحب نمشي نفيقها
بسمة : لا لا موش لازم خليها على راحتها..تنجم تمشي ٱماني يعيشك

مالك سارح و يصب في الماء ما فاق كان كيف الطاس تملاء و فاض خزرلو أمين
:مالك عيش خوياا ما تخافش تو كل شي يتصلح والله و أمبوسيبل كان حكايتك انتي و مريم توفا حبكم أقوى من كل شي
مالك: توحشتها يا أمين توحشتها برشا معاش نجم نشد روحي و ما نخممشي فيها، توحشتها و توحشت ريحتها نحب نراها ...في نفس لوقت ما نجمش ما نخممش في حكاية پاا ياخي پاا مجرم پاا هو لي كان سبب في قتل جدها ،ياخي پاا أناني يا أمين قلي أه...پا يحب روحو..علاه خبى علينا لي هو عندو خوه...ياخي يكرهو لهالدرجة ؟
أمين: مالك عيش خويا ما تقولش هكاا...بالكشي موش صحيح و مدام عيشة قالتها في حالة غش.ما تضلمش بوك مالك عيش خويا
مالك: لا يا أمين لي قالتو مدام عيشة صحيح..كان جاء موش صحيح راو روح معانا و راو واجهنا و قال لي هيا غالطة و ما فماش منها الحكاية و راو حتى وقفها و هي تحكي عليه أما هو لا سمعها للخر و هو ساكت ما ينجمش يكون هذا الكل غالط