عشق محرم

الحلقة 75

محملها و داخل يجري بيها في السبيطاار
:وييييينكم...عااوونوني يعيشكم....راي قاعدة تنزف اجريوليييي
جاو الفراملا يجريو بالسرير حطوها و دخلوها لبيت لعمليات هو بقا واقف مسكين مش عارف شنوا يعمل
جاتو فرملية: مسيو يعيشك تجي معايا بش نعمرو فيشة المريضة
هو: اه..اي اي تبعها و بدات تسال فيه
:انتي راجلها مسيو
اشرف مزال سارح: اه لا لا
الفرملية: مالا شتكونلك مالعايلة؟
اشرف : لا ما تكونليش..شو اسمعني انا راني ما نعرفهاش متعدي فالطريق بالصدفة ياخي ريت كرهة عاملة اكسيدون مشيتلها نلقاها هي في وسطها منعتها
الفرملية: اي اما مسيو لازمنا نعملولها فيشياي راو ما تنجمش تبقا عنا و هي هكاكا و القانون يقول الفيشياي يا تكون من واحد من عايلتها يا الشخص لي جابها للكلينيك
اشرف: اسمعني هاو لقيت تليفونها طايح كان عندك شارجور اعطيني خليني نحطو فالشارج و نشوفو مزال يمشي ولا واكاكا نطلعو رقم عايلتها
الفرملية : بطبيعة مسيو نعطيك و مدتلو شارج ايا تفضل مسيو اما يعيشك فيسع خاطر الفيشة لازم تتعمر بالوقت لي جات فيه هي للكلينيك ازرب شويا عيشك
اشرف حط الشارجور في البريز و شرجا التليفون و بقا يحل فيه يشوف فيه مزال يمشي ولا ياخي تحل اشرف فرح عاللخر و تلفت للفرملية فرحان: ايا هاو طلع يمشي الحمدلله
و بقا يستنا فيه يتحل و بالزهر يطلع ما فيهش كود( اصلا نور ما عندها ما تخبي 😂) الفازة لي شدتو و جلبتلو انتباهو موش اذيكا ،التصويرة لي حتطها فون هي لي هزتو العالم ٱخر و سرح في ضحكتها الطفلة لي يشوف فيها موش نفسها لي دخلها بيدو للكلينيك اصلا هو تالمون خايف ما شافش وجها جملة..اشرف كان شاد بين يديه قمبلة ما تتفلتش..كان شاد زين عمرو ما راه..سرح معاها و مع زينها....مع ضحكتها و مع شعرها..مع كل تفصولة في وجهها...الفرملية قعدت تخزرلو و تستنى حارت شبيه بقى مبهم هكا
الفرملية: سافا مسيو.؟؟ياخي التليفون بيه حاجة
اشرف فاق من سرحتو و ياليتو ما فاق.....: ٱه..لا لا ما بيه حتى شي ..ايا لحظة برك نشوفك رقم امها ولا بوها دخل للكونتاكت عرضتو امها طلبها ديراك
مليكة تخمم في بنتها لين صونا التليفون دارت هزتو لقاتها هي..نور..قداه فرحت و طارت مالفرحة..بنتها مشا في بالها لي هي لاباس اما في نفس الوقت خايفة لا تقلها لي هي بيها حاجة قامت قعدت بالقاعدة و ريبوندات التليفون
مليكة: نور بنتي انتي لاباس جراتلك حاجة
اشرف فرح كيف ريبونداتو فيسع فيسع:الو عسلامة مدام
مليكة كيف سمعت صوت راجل عرفت لي بنتها صايرتلها حاجة اصلا احساسها عمرو ما يخيبها في اللحظة هذيكا مخها هزها لالف حكاية و حكاية تنجم تكون صايرة مع بنتها
مليكة قامت و هبطت مالفرش مفجوعة : شكونك نتي و بنتي فيني؟ شوف اسمعني والله كان تمس شعرة من بنتي لا ما نكلفهالك روحك والله تحكي و تترعد و الغصة في قلبها
اشرف: مدام مدام هدي روحك شوف اسمعني انا راني لقيت بنتك عاملا اكسيدون في طريق***** جبتها للكلينيك
مليكة قامت مفجوعة وجهها صفار و خضار و دخلت بعضها و قلبها ردتو جاء في يدها معاش تحس انها واقفة على ساقيها و معاش منجمة تحكي صوتها ذبال و الغصة في قلبها: ق.تل.ي..اك..اك..سي.دون
اشرف مدام يعيشك هدي روحك بنتك توا في بيت العملية و نشالله تخرج لاباس
مليكة : اما كلينيك
اشرف: كلينيك *****
مليكة علقت التليفون