عشق محرم

الحلقة 66

قاعدة سارحة نهارين ما كلاتش الماكلة همها الوحيد تفهم حكاية عمها هذي منين هبطتلها و سي عمها اذايا شنيا علاقتو بموت پاپي موش هذايا أكهو الحكايات هذوما شمدخلهم في حبها هي ومالك و هو شمدخلو في الحكايات هذي هي تحبو هو و تنجمش تعيش من غيرو تي بعدت عليه نهارين قريب تموت ليل مع نهار و هي تبكي كان لقات كيفاه تهربلو راي هربت أما عيشة مسكرة عليها الباب بالمفتاح حتى الشباك كالتو بلوحة من برة خاتر تعرفها تعملها كل يوم تجيبلها الماكلة تحطها و تخرج و ترجع تدور المفتاح أما من ظاخل قلبها واجعها...قلبها واجعها على حفيدتها قاعدة تذبل قدامها و موش منجمة تعمللها شي...مزالت صغيرة.....و مزال قدامها طريق طويييل و لازمها تعيش بالحلو و بالمر..لازمها تتعلم تطيح و تاقف على ساقيها موش من أول حكاية تصيرلها تطيح و تاقف حياتها...

مهبط راسو يخزر للكاس لي يسمع فيها تعيطلو ما خزرلهاش جملة ديراكت هز راسو خزر لأمين و قلو بدم بارد و روح ذابلة: انتي؟
أمين: تي يزينا عاد مالك ياخي لوقتاه شنقعدو كبي..اي أنا كلمتها بش تجي بحذانا أو موان نتلمو فرد بلاصة كل واحد شاد شيرة وحدو
عمر : مالك خويا صفاا....أمين شعامل
أميرة: عرفتو شيقلك تعيطلهاش شقتك
أمين: هاني عمر هاك ترا في الحالة
مالك: اممم
عمر و اميرة قعدو
عمر: تي يزينا بالاهي توا حصّل ما في الصدور و كان فما حقيقة تو تبان و منا ولا منا بش تعرفوها كاني باهية ولا خاية
أمين: زيد كمل علينا انتي
اميرة:شبيكم مهبطين قهوة وماء ياخي نورمال
و عيطت للسارفور و عطاتو كوموند
عمر: مالك أيا شقولك نمشيو للبار الليلة نعملو كاس ننساو الدنيا و ندردشو شوي ٱٱٱٱٱ شقولك؟
مالك: بلاي أخطاني عمر خلوقي فازدة و ما عيني في بيران كان شتمشيو براو وحدكم منغير ما تربطو رواحكم بيا خليوني أنا تو نتصرف
أمين:واللهي فكرة حلوة عمر و انتي سي مالك بش تمشي وبالسيف عليك
مالك خزرلو و سكت
أميرة: ٱٱٱٱٱ بالنسبة ليا أنا ما عينيش لا في مشي لا في شرب بش نروح نرقد
عمر: بلاي شكون ستدعاك نتي بطبيعة ماكش ماشية و معان و أنا هو لي بش نوصلك للدار
أميرة: ههههه أمان سي عمر
مالك ضحك منغير ما يشعر
امين:ايا الحمدلله بانو أك السنان عندهم جمعتين الهواء ما دارش بيهم
عمر و أميرة ضحكو و مالك زادا
فرحو كيف مالك ضحك و بقاو هكاك يحكيو مرة يضحكو و مرة يسكتو المفيد صنعو جوهم و خرجو شويا مالڨينيا لي هوما فيها و نساو لي صاير