عشق محرم

الحلقة 144

حل , حل الباب فيسع ، يلزمني نقابل سي مالك، ياخي ماتفهمش عندي ما نقولو ، يصيح و يعيط عروقاتو شرتلة كان يجري ، مالك شافهم خايضين هبط و جاء
: شكونك انتي و شتحب
الطفل قاعد ياخذ في نفس و موش عارف كيفاه بش يبدا
أميرة ترا فيهم واقفين ، غريبة وجهو موش غريب ، قدمت شويا باش تراه
: سي مالك يعيشك نحبك تشد روحك علي بش نقولهولك توا ، أنا بعثني..
أميرة: ستنا نعرفك إنتي ، موش انتي الڤااردور متاع أنطونيو/ طورينتو سي راجل خالتي
الڤاردور نسا شبش يقول و ركز معاها ، أي هي ، والله هي ، هي لي ماشي فيبالهم طفل لي شدوه نهارتها ، تخدر الراجل بقا حال فمو و عينيه تخبلو
أميرة: تخافش موش كان نتي مشا فيبالك طفل ليلتها ، أنطق شمجيبك ، و علاش بعثك سي أنطونيو المرة هذي
: سي طارق ..... عطاكم عمرو
عينيها دمعت .... فمها تحل ... أعصابها ترخفت ... دقات قلبها بطات... و مالك كيف كيف الدنيا ، ظلامت في عينيهم ترمات عليه تضرب و تصيح : أنطق كيييييفااااااااه احككييي شي النافع ربي حاس بيخا و موش منجم يعمل شي ترمات في القاعة، مالك دار على بلاصتو قلبو مات ، يمشي و موش عارف وبن مشا خطوتين و حبس، ساقيه وقفو بيه، روحو حبست سلمت روحها ، هبط على ركايبو ، مالك ماات ، أي مات مالحظة لي قالو فيها ، لا سال لا كيفاه و لا علاه خاطر الكلام وقف ، أمين و عمر يراو فيهم و قلوبهم تتقطع بالسكاكن الدموع هابطة و الغصة في القلب ، عمر مشا لأميرة و هو في حالة أعظم منها جاء بش يشدها هبط معاها
مريم تسمع فالصياح متاع أميرة  طلت من شبابك البيت ترا في مشهد لا عمرها شافتو أميرة بحذا الباب طايحة ، تضرب في روحها تصيح و تبكي ،و عمر بحذاها على ركبتو و يبكي و مالك بعيد عليها عاطيها بالظهر و طايح كيفها و بحذاه أمين ، لكلهم فالقاعة فهمت وحدها لي صاير ، فمها تحل و دخلت في هستيريه خرجت تجري ، هابطة فالدروج و في فمها كان كلمت : لا يا ربي ، لااااا لاااالااا
خرجت تجري وصلت بحذا مالك بدات تقدم بالخطوة، فمها محلولها و عينها بالدموع موش منجمة تسأل تخزر ، تحب تحكي و موش منجمة مالك نها ، عيط عيطة تهد الجبال ، عيطة من قلب واحد خسر، عيطة متاع واحد تهزم ، عيطة واحد تهد و بعدها طرشق بالبكاء قوتو نهارت ، مريم ترا فيه كيفاش عيط فهمت كل شي ، دارت مصدومة واقفة ، والدموع في عينيها ، شنوا بش يصير يا ربي أكثو من هكا ، شنوا يا ربي لي مزال ماصارش ، فهمت لي طارق مات ، فهمت لي عمها توفى، عمها لي قبل بنهارين بدات هي وياه صفحة جديدة ، يا ربي شنوا هالكابوس لي نعيش فيه ، شنوا مزال بش يصيرلي أكثر من هكا ، مع بكية مالك طاحت ديراكت ، رمات روحها هذا كان مزال فيها روح