عشق محرم

الحلقة 37

مريم حضرت روحها و بقات تستنى في أميرة
أميرة وصلت للدار زمرت على مريم خرجتلها عيشوشة قتلها أهبط بحذايا ياخي أميرة ما حبتش و قتلها لي ما بقاش بكري بش يمشيو يقضيو خرجت مريم سلمت على أميرة و طلعت معاها و مشاو حاطين الغناء يحكيو و يضحكو و يشطحو عاملين جو أميرة عاجبتها مريم برشا و عاجبتها صحبتهم و مريم زادا مشاو للمول داروه الكل قريب يروحو بيه معاهم ما خلاو ما شراو يا حوايج يا روب سواراي يا بارفانات يا مكياج يا طالونات أميرة تقيس و تعاود مريم ماللول حاشمة أما أميرة طيرتلها الحشمة الكل و أي حاجة تقيسهالها بالسيف  و ٱك البرفان أي بوتيك يدخلوها قبل ما يشريو عاللأقل يفرغو كعبة ولا ثنين و هوما يلعبو بيهم و يفشفشو فيهم على بعضهم و يضحكو حاصيلو ما خلاو ما عملو و بعد تعداو لبوتيك تاع سوڥاتمون أميرة وقفت تخزرلو و بعد سألت مريم كان عندها ولا مريم جات بش تقلها راو خذالي مالك و بعد شدت فمها و قتلها لي هي ما تلبسهمش تلبس كان طوپات سبور مريم ضحكت عليها و قتلها لي ما يجيش تلبس روب على توب لازمك تشري مريم وافقتها و دخلو خذاو لاي كولور الكل و بعد خرجو حصيلو المال تاع الكرهبة ماكفاش لي خذاوه الكل رصاتلهم حاطين التالي و قدامهم زادا مشاو يفطرو فاللاك في بلاصة عالبحر فطرو فروي دو مار و صلاد و بعد ركبو فالكرهبة مريم فيبالها شتروح ياخي اميرة قتلها مزال بكري شقولك كان نمشيو لپارك نلعبو و نعملو جو مريم عجبتها لفكرة اميرة خدمت الكرهبو و طارت لكارطاج لاند قصو تيكايات أما لقاوها معبية ياخي أميرة قالتلهم لي هي بنت طارق العايشي دخلوها ديراكت مريم كانت واقفة تخزر للعباد ياخي اميرة جاتها و قتلها هيا مريم قتلها كيفاه بش نستناو هذم الكل ياخي اميرة قتلها تبعني و أسكت و دخلو لعبوهم الكل و هوما يعيطو و يضحكو و يحملو في بعضهم واميرة  تصور و تحط في ستوري و مالك كل نوتيفيكاسيون تجيه يحلها و يبقى مغزل حتى طرح الأونو مع لولاد يكمل فيه بالسيف مالعصب خاطرو ما راش مريم أما في نفس الوقت فرحان خاتر أختو تفاهمت مع مريم  عداوها عشوية عالمية

عكس مالك كيف مشا يقيس في كوستيم ما كانش طايق حتى شي كان وقتاش يتعدى للصايغي باش ياخو الخاتم و للباتيسري بس يكمندي الڨاطو  فاللخر ما خذاش قلهم تو نلبس حاجة من عندي و مشا يزرب للصايغي عمر وأمين يضحكو عليه كيفاه يزرب و يقلهم هيا الصايغي بش يصكر و هوما يهديو فيه و يقولولو راو مزال بكري زيد ما فماش صايغي واحد تهنى تو ندوروهم الكل يا ولدي يهديك حصيلو شاخو عليه كيفاه فرحان و يزرب في نفس الوقت فاد خاترو توحشها و عندو نهار كامل ما شافهاش ولا سمع صوتها حاصيلو شرالها خاتم يرعب كل دقيقة يحلو يعمل عليه طلة و يبقا يخزرلو و يسلأل فالولاد موش شويا خاتم واحد موش لازمني نزيد نشري و هوما موتا بالضحك معاش ينجمو حصيلو هوما زادا شاخو أما على مالك تعداو لأكبر پاتيسرس كمانداو ڨاتو تفتق و راهالهم مالك في تليفونو و قلهم نحبكم تعملوهالي كيفها بالضبط خبزة ب 3 ايتاج وروح يلعب في الأونو🤦‍♀️

مريم في الطريق مروحة بأميرة و قاتلها ما صاب تروح معايا نعديو ليلة مع بعضنا و زيد نحضرو للخطبة مريم قاتلها حتى هي ماذابيها أما ما تنجمش عايشة ما تخليهاش و قتلها إنتي بات بحذايا أميرة عجبتها الفكرة و قاتلها مشات معاك تعرفشي كيفاه نروحو لدارنا نطلع نجيب حوايجي و نجيك مريم ما تماطنش للفكرة أما أميرة قاتلها تهنى يا بنتي موش شيشوفك حد أبقى ستناني في الكرهبة و دورت الكرهبة و مشات لدارهم جات شتحط الكرهبة البرة ياخي نسات دخلت طول ولات دورتها و قتلها ما نبطاش عليك دخلت تجري للدار طالعة في الدروج عرضتها نور : أأ..أميرة
أميرة طفاتها و طلعت طول
نور نفخت : ملا حالة لي تكلمو يطفيك في هالدار  نور كانت تبكي عينيها حمرة غدوة خطبتو....خطبة....لي تحبو خطبة لي خذالها شرفها و عداها عليها.....كيفاه بش تتصرف شنوة بش تعمل