عشق محرم

الحلقة 57

هابطة فالدروج و مليكة تجبد فيها تعيط و الشر يتطاير من عينيها تبكي بكل غل و قهرة: قتلككككك سيبنييييي .....وينو......تي سيب قتلك....وينووز......مالك يا مال.....تي سيب قتلك و دزتها طاحت لوطة و هبطت تجري فالدروج
مااااااااااااللكك ويينك يا ساقط
يسمعو فالعياط الكل و مكذبين لين قربهم الحس دارو الكلهم يخزرو للباب تاع الكولوار يستناو فالحس متاعها يوصل باش يشوفوها شبيها تعيط خاتر ٱخر همهم هي و زيد اليوما بالذات
نور: وينو..... و دخلت : أأأ هاك هنا سي مالك جيت......صايي كملت خطبت أيا شاءالله مبروك ورررررررررييي تزغرط بصوت ذابل و دموع غارقة في عينيها تحب تنسى وجيعتها لي دفنتها في قلبها أما ما نجمتش لازمها تتكلم على روحها
شعرها مشبشب.. الكحل سايح من عينيها.. لابسة خلعة بلون طايحة على كتفها.. و مغبرة بالمكياج لي ترمي و تكسر فية بكري و كلسون أكحل رجل مهزوزة و رجل هابطة.. عينيها حمر جمر تحكي عالوجيعة لي في قلبها ..كلهم بقاو يخزرولها و يخزرو لحالتها فيبالهم هبلت

نور واقفة قدام مالك و مالك قاعد حاط يديه على خدو و باهت فيها فاش تحكي هو زادا ٱخر همو انو يسمعها يعرفها مقربعة
نور: أأأ مالا بطبيعة بعد ما لعبت بيا و طيشتني على طول يدك بطبيعة بش تمشي تخطب الشريفة بنت الفاضل مالا بش تاخذ وحدة رخيسة كيفي حبتك و جرات وراك لين تعبت
أميرة: فاش تحكي هذي
بسمة: نور عيش بنتي ياخي هبلت أمين وقف و مشا لنور : نور سافا إيجا .....هو جا بش يشدها ويقلها إيجا أقعد و هي وخرت و عرضت يديها: ما تمسنيش أمين