عشق محرم

الحلقة 41

نرجعو للفيلا شويا
بسمة خرجت الصباح وحدها هي و الشوفور مشات لبوتيك تاخذ لطارق في كوستيم ختارتلو وحدة هي و أحمد(أحمد الشوفور متاعها ياسر قريب منها وتاخذ رايو في حاجاتها ديما هه قبل ما تجي مليكة b1sur)تحب  ترجع المياه لمجاريها شويا مع أحمد وما نحكيوش على مالك عاد لي فاق مال5 متاع الصباح يحظر في روحو و عمر و أمين مزالو راقدين عمر حاط رجلو على أمين و محمل المخدة و أمين حاط مرفقو في رقبة عمر و يشخر حاصيلو حالة حليلة(البارح باتو الزوز في بيت مالك حشمو باش يخرجو عقاب الليل و يطلبو مفاتح بيوت خاطر البيوت الفارغة الكل مصكرة) مالك صبح يحضر في روحو و يقيس في حوايجو و يعاود موش غارف شنوا يلبس : عمر عمر...أميين تي قومو عاونوني الزح موش عارف شنلبس
عمر: يا ولدي شبيك تي مزال فجر حتى الشمس ما زرقتش ياخي هبلت
مالك: ممم يضهرلك مزال بكري و كانك عالشمس تهنى خرجت صايي تحب تراها و مشا بعد الريدو و حل البلكون 
أمين: إمممممممممتي صكر يا مالك الزح خلينا نرقدو تي مصبحين رانا
مالك: نعم بابا ترقد قوم قوم و مشا نحالهم الغطا و المخادد
عمر فالق: أوووووه عاد يا مالك ياخي ماشي تخطب عالصباح نتي تي شبيك الزح وسع بالك حتى لعشية نجمو نمشيو راو
مالك: نعم بابا تي قوم قلو العشية قومو ختارو معايا شنلبس الزح
عمر:بفففف و مشا يغسل في وجهو
أمين: ريت بربي كيف قلنالك خوذ حاجة تلبسها قلت لا و انتي تفارص في الخاتم و الڨاتو
مالك: أأأأ فكرتني في الڨاتو لازمني نجيبها يحكي معاه و يعمل فالپاپيون متاعو عالمراية
و بعد جبدها بالقوييي نحاها: أأأوووووه عاد حتى هذي ما عجبتنيش ياربي يا ربي
أمين: تي شبيك يا ولدي تي وسع بالك إستنى استنى هاني جيتك
مالك: إيجا بربي والله فديت هذي الثامنة لي نلبسها و ماعجبتنيش
أمين حل الڨارد روب متاع مالك و بقا يشوف شفما و بدا ينحي فالشوميزات و يحط عالفرش و مالك واقف شاد باب القاردروب يخزرلو
أمين: هذي ليا ....هذي لعمر.....و هذي ليا أأأ لا هذي ما تجينيش أنا بدني مكبوس عليك عاد لازمني....
مالك: سيب سيب لهنا..بربي تتمقصص
خرجلهم عمر يحك في سنيه : شبيكم
أمين شايخ بالضحك : ههههههه هاك تشوف قلي عاوني جيت نعاون فيه على لبستي أنا وياك قلي تتمقصص
عمر ههههههه
مالك: هاهاها تضحك انتي أرجع أغسل بخرتك الدونتفريس يتناطر منها و بعد إيجا و إنتي سي الضامر البوتيك متاعكم أنا... زيد قتلك عاوني راو موش عطل جد أمي
أمين: هههههه ياخي هاني نعاون فيك تو كان أحنا نبقاو ما نلبسوش ماك تتعطل دونك لازمنا نشوفو شنلبسو حتى أحنى بش نتعطلوش
عمر: أي أمين عندو حق ياخي تحب نعطلوك و نبقاو نقيسو و نعاودو أحنا زادا
مالك: ياخي ما جبتوش حوايجكم
عمر كتف يدو: لا سي مالك ما تنساش لي نتي جبتنا ساقينا أعلى من روسنا ما فهمتش علاه نزربو من ٱمس أحنا
أمين: دونك خويا الغالي لبستنا اليوم by مالك العايشي
عمر: و تو نعملولك ديديكاس أنستغرام باهيشي هكا
مالك: تي يا عمر بربي تتبهلل إنتي زادا إيجاو شوفولي أنا شنلس الساعة و بعديكا ميسالش لبستي كادو من عندي
أمين : أوكاي نغسل وجهي و نجي عمر أبدى فيه نتي هاني جاي
عمر: هههه باهي و بدا يختار لمالك
طارق حالتو كيف ماهي حاط راسو عالمخدة يخمم موش عارف شيعمل ولدو فرحان و يحضر في روحو ما ينجمش يقلو مانيش ماشي معاك زيد هو وعدو و في نفس الوقت كان تطلع هيا كيفاه شينجم يبعدو عليها كيفاه شينجم يقنعو و هو يحبها و مهبول بيها ماهو منجم يعمل شي سلم أمرو لربي زيد هو مزال ماهواش متأكد تطلع هيا ولا