عشق محرم

الحلقة 69

تجري في الطريق موش عارفة وين بش تمشي just ماشية و أكهو.. تسوق و تبكي بالشهقة.. قداه موجوعة..عينيها منفوخة.. و حمرا دم مالبكاء... تلفتت رات دبوزة شراب في الباب لاخر طيحت روحها شويا تتماطا فيها بش تجبدها تحب تشرب و تنسى الهم لي هيا فيه معاش تنجم تتحمل أكثر من هكا ماطت ماطلت ما وصلتهاش ..نحات ال ceintureو هبطت شوية تحب تخلطلها..جبدتها و هزت راسها بش ترجع تسوق ترا كان في كميون كبير عارضها و يزمر عليها مسكين تحصر هي عارضتو..ماشية في طريقو.. و هو ما ينجمش يبعد لا منا لا من غادي.. دورت الفولون على طول جهدها ..تقلبت الكرهبة ..طاحت في هفهوف كبير و الكربة قعدت تتقلب 3 مرات و نور في وسطها..

متقلقة على بنتها..قاعدة في البيت تتفرج معاهم..هوما بتفرجو هي سارحة تخمم على بنتها..قاعدة معاهم جيست ماخذه في خاطر اختها..تخاف لا تعمل حاجة في روحها..بنتها مهبولة..تعمل كل شي في جرت مالك..حتى روحها تعرفها رخيسة عندها قدام مالك..البنات يضحكو و هي سارة..لين حست بقلبها وجعها..كاينو يقلها لي بنتك صارتلها حاجة..بنتك راي تنزف بش تموت...بنتك راي وحدها في بلاصة مهجورة كان النزيف ما قتلهاش الذيوبة السايبة تاكلها..حطت يدها على قلبها و قالت: بنتي...و قامت: بنتي صارتلها حاجة...بنتي يا بسمة..بنتي موش لاباس
بسمة:مليكة عزيزتي ساڥا...لاباس نور والله تو ترجع
اميرة: طاا مليكة ما تقلقشي روحك هيااا عاد خلولتي بنتك و تعرفها..
مليكة:لا بسمة..بنتي موش لاباس..أنا حاسة لي هي بيها حاجة والله يا بسمة...و دارت و قالت أنا ماشية نلوج عليها
بسمة و أميرة خلطو في جرتها يهديو فيها و ما خلاوهاش تخرج مشات معاها بسمة للبيت عطاتها مهدئ باش يهديلها عصابها لين هدات ..أما ما جاهاش النوم ليلة كاملة و هي تتقلب و تخمم هي حاسة لي بنتها بيها حاجة أما موش حاب حد