عشق محرم

الحلقة 92

مالتعب رقدت ما فاقت كان الصباح على صوت السكايب، مالك اكيد شكون غيرو،راقدة على كرشها و محملة المخدة، لابسة مريول بلون طويل شويا و سليب، راقدة رجل القدام و رجل لتالي، تسمع فيه و ما عينهاش باش تهز دورت يدها ببالسي، جبدت البورطاتيف لي كان محطوط عالطابل دونوي و محلول شطر حلة و ما نحكيلكمش عالبيت على دبشها لي ملي نحاتو مزال فالقاعة و عالشيبس لي في كل بلاصة و عالتلفزة لي بايتة تهر وحدها للصباح ، هزت على مالك و حطتو قدامها و هي راقدة و مزالت في نفس الوضعية
اميرة: اممممممم
مالك: شو كيفاه تزوم كالبڨرة، فيق ا لالا مزلت راقدة ال10 راي توا
اميرة و هي مغمضة عينها: اي العشرة عندكم انتوما، توا ال5 راي شنوا تحبني نفيق نعمل اه
ال3 مكوكشين عالبيسي يطلو و مالك فالوسط يحكي : اميرة قتلك قوم يزي بلا تبهنيس متاعك
اميرة و هي مزالت مغمضة عينيها😂: عمر ياخي صاحبك اذايا ما يفهمش لي مزالت الدنيا ليل و الشمس ما شرقتش، امين فهمو بربي
عمر: ههه موش قتلك مرتي تخطفها و هي راقدة
امين: ههه يقوى عليك ربي يا اميرة و نتي كيفاه عرفت لي احنا مع مالك
اميرة : و نتوما عمركم بعدتو عليه اللطف يا ربي حتى فالنوم على نفس الفرش تطلعوشي من جماعة العلم و احنا ما فيبالناش، عمر هكا رانا ما نتفاهموش، و ما نعرسوش هاو من توا
عمر و امين تفلقو بالضحك كان مالك على اعصابو: بربي للا تتضومر قوم وهف مخيب وجهك لا نكسرلك راسك مريم و عيشة مخطوفين و ريحتهم ما فماش و هي تسيبلي في الريق الماسط البارد متاعها لا و صوحابي لي محلاهم و محلا زينهم يكشخو هيهيهي هاهاها
اميرة كيف جبدلها على مريم تفكرة حكاية حسام تنطرت بسرعة البرق دورت البيساي وجات قاعدة و البيساي قدامها: مالك
مالك: اميرة شفما تكلم فيسع
مالك عرفها مداام تنطرت كالفرس و جات قاعدة كان فما حاجة
اميرة: ماني مشيت للفيلا متع پاا و طلع شكون غااااادييييي -قالتها باللحن -
مالك: اميرة والله بش نشد نفسدلك خليقتك ياخي نلعبو في لعبة طلع تربح تكلم ما تنطقش ولديا الكلب
اميرة: باهي بركاا، و على فكرة ما تنجمش تفسدلي خليقتي خاطرني موش بحذاك و هاو بش نتكلم و موش على خاطر نتي هددتني على خاطرك لازمك تعرف
مالك طلعلو العصب، هو يغلي و هي قاعدة تجبد عليه بالمرتاح خلي عاد من امين و عمر لي طلعولو العصب و ميتين بالضحك اما توا جاء وقت الجد سكتو و بقاو يسمعو في اميرة
مالك عيط: امييييييييرة
امية تفجعت تكلمت ديراكت المرة هذي منغير مقدمات: حسام، و ما كانش وحدو كان فالبلكون معاه طفلة شعرها اصفر و عريانة
عمر: شنواا عريانة، معناها موش لابسة شي
اميرة: لا سي عمر لابسة، لابسة منشفاا، سافاا، و تلها في المجيرة لي عندك خيرلك
امين: et alorsمعاه طفلة ماشي لبريطانيا شتحبو يعمل، تحبو يموت بالحيا
مالك: تنجمو تصكرو فامكم شوياا اميرة شمعناه هاذايا
اميرة: كلنا نعرفو يا سي مالك لي حسام امبوسيبل كان يكون مع طفلة و هو في الخدمة، و تعرفو زادا يخاف من پاا و ما يعملهاش، ملخص لحكاية لي حسام قاعد يخون في پاا و عندو مع شكون يخدم خاتر ما ينجمش يخون پاا في نفس البلاصة لي هوا فيها و وحدو دونك باز معاه شكون و انا بش نعرف هذايا قبل ما نحوس على اميرة
مالك: فاش تحكي ياخي وقتو هو معناها بش تبع حسام و تسيب لي ماشية على خاطرو ياخي هبلت راك بش تهبلني
اميرة: بربي حل مخك كان يطلع موش پاا لي خاطفهم اه و كان يطلع حسام يخون في پاا مع الخاطف الاصلاني و بش نبدا نحوس لازمني نتاكد قبل و لازمني نعرف پاا وين
امين: كيفاه بش تعرف ، بريطانيا كبيرة برشا ياخي بش تدورها الكل
عمر: بربي حل مخك ماي تبع حسام كيف يخرج و كان مشا لطونطون طارق تو تعرف بلاصتو و كان مشا للي يخدم معاه لاخر زادا تو تعرف بلاصتو
اميرة: ريت بلاهي يا عمر راو مقت
عمر: زايد حبي ما يفهموش كان انا وياك نخطفوها و هي طارة
مالك: باللهي تنجمو تسكتو شوياا، اميرة ما تعمل شي بربي و كان يفيق بيك حسام و يهزك للمجرم هذايا، و كان يطلعو يعذبو فيهم
عمر: مالك، مالك، هدي روحك، باهي ريض روحك ما تخافش موش بش يصير شي من هذا باهي
مالك انهار و بدا يبكي في حضن عمر: راني تشويت يا عمر راني نحبها و نخاف لا نخسرها و زيد تكمل تخلط اميرة
امين هز البيساي و بعد عليهم و بقا يحكي مع اميرة
اميرة: امين ،مالك
امين: اميرة ما تخافش عليه اميرة تو يهدا ماك تعرف حالتو اسمعني انتي رد بالك على روحك و ما تمشيش في تاكسي حاول تكري كرهبة ما تجيبش الشك، معناها كرهبة موش مضخمة تاعبة شوياا، و حاول قبل كل شي تركب ايكسطونسيون و يكون ناتيرال و اعمل مكياج يكبرك شويا و لبستك رد بالك عليها
اميرة: تهنا يا ولدي لي قلت عليه نتي الكل انا محضرتلو و دارستو بالباهي
امين: هه نعرفك تخطفها و نتي في سليب نوار
امين: هه ااا مالا شقولك فيه خذيتو امس مالمول
امين: ههه صار عملت شوبينغ حتى انا كنت بش نستغرب كيفاه لتوا لا عملت عملة سافا پا
اميرة: لاباس نتي في مخك نجي لبريطانيا و ما نعملش شوبينغ هه مزلت بعقلي
امين: هه باهي برا ما نعطلكش و نزيد نوصيك رد بالك و خوذ حذرك احنا توا ماعاش نحوسو على مريم و عايشة عند طونطون طارق احنا توا ولينا نلعبو مع عباد اخرين الله اعلم عليهم شكونهم