عشق محرم

الحلقة 117

لا أمبوسيبل ، لاا لا مستحيل
ماهياش مصدقة لي ترا فيه ، ظهر هو كيما شكت فيه ماللول، كيفاه نسات هذا ، كيفاه تنحات من بالها لي ينجم يكون هو طورينتو ، راجل خالتها !!
اي نعم راجل خالتها مليكة و بو نور
أميرة صدمتها كانت قوية نساتها الفازا و نسات لي ينجم يكون هو اما هو
لازمو ما يراهاش ، توا لازمو ما يشوفهاش كيفاه بش تعمل ، كان يراها توا يهزها هي و يستفز بيها بوه ، الراجل هذا لا عندو لا رحمة ولا شفقة، صحيح هو يخاف من أميرة و ما بتجرأش يحكي معاها ،ولا تجرأ، خاتر كي تبدا في تونس يعرف شتنجم تعملو ،الدوسيات لي عندها عليه موش شويا و كمل هي تخدم فالاستخبارات تهزو بيدها للحبس أما هي توا هوني، وحدها في بريطانيا ، يعني كان يهزها و يحبسها ما عاد تنجم تعملو شي ،يا ربي شنوا عملت، شنوا هالوحله لي حطيت فيها روحي ، يا ربي لازمو ما يرانيش و أنا جيتلو بساقي و قعدت قدامو، قدمتلو روحي على طبق ذهب ، كان نقوم توا يراني، يا ربي عاوني
أميرة تدعي موش عارفة شنوا تعمل موش لاقية حل و موش منجمة تتحرك من بلاصتها
طورينتو واقف فالريسبسيون و يحكي هو والريسيبسيونيست: قتلك زوز نساء و راجل ياخي ما تفهمش و شدو من رقبتو
الراجل وراء الكونتوار يرعش و هو قدامو و خانقو
طورينتو: أسمعني نقلك، ما توترليش أعصابي سينون ما تعرش شنوا ينجم يصيرلك ، بقا خانقو بيد و اليد الأخرى بعد بيها الجاكيت متاعو وراه السلاح و بعديكا خزرلو: فهمت توا و لا و توا قلي على رقم البيت خاتر نعرف لي هوما هوني الراجل   ، و العزوزة،  و بنتها هيا قلي وينهم هو هكاكا و أميرة في بلاصتها امبوسيبل كان تقوم خاتر ديراكت بش يشلق بيها و ينجم يوقفها
الريسيبسيونيست يرعش : ي ي يا مسيو والله ما عنا ريزيرفاسيون هكا كان تحب خو الكارني و ثبت و مدلو الكراسه
طورينتو بقا يخزرلو و يخزر للكراسه ، يخزرلو و يخزر للكراسه و بعد سيبو
و قلو خلي توا نطلع نشوف وحدي
أميرة ما بقالها حتى حل كان تحط يديها الزوز على وجهها و لي بش يصير خليه يصير
نفض سوريتو و دار بش يمشي هو دار قد قد