عشق محرم

الحلقة 153

سي مالك سامحني قيمناك توا ، اما الموضوع مهم
مالك: تكلم
جتنا أخبار توا مالسبيطار قالو جاهم واحد مضروب بكرطوشة في صدرو و ينجم يكون بوك عاد قتلك بش ....تيت تيت تيت
قام يجري نطر سوريتو و لبسها مام با قفلها هبط فالدروج ما قال كان هيا ..مشاو معه حراس أنطونيو كيما وصاهم البارح بش يكونو على ذمتو
طلع فالكرهبة و ما يقول كان ازرب ازرب وصل للسبيطار هبط طاير ،حفيان و سويتو محلولة ، داخل يجري و سال عالمريض لي جابوه البارح مضروب بكرطوشة قالولو لي مزال حي و تحت العملية توا و مانجموش يعطيوه حتى معلىمات أخرى عليه ولا أوصافو
حب ياخذ الأسونسور لقاه معبي. طلع فالدروج ، مشا لبيت العمليات لقاها مصكرة و ما فيهاش بلار بقا يدادي يمشي و يجي ويدعي يطلع بوه موش عارف شيعمل بقا واقف برشا و مشا طيش روحو عالكرسي ياسر تاعب مخو بش يتحرق هو هكاكا و راجل جاء وقف قدامو يخزر للبيت و يستنا ، مالك استغرب قام سألو : خويا تستنس في شكون ياخي
الراجل: نستنا فالطبيب متع الشومبر هذي
مالك: علاه ياخي تعرفو انتي مريض الشومبر
الراجل: لا ما نعرفوش، الحقيقة أنا ما عنديش بيه حتى علاقة ، كنت نشرب البارح عالبحر لين نشوف في حاجة خرجت عالشط ماللول مشا فيبالي شكارة ياخي كيف قربت لقبتو عبد و طلع مضروب بكرطوشة زادا مشكشن موش عارف شكون ولا علاه يع.. ماخلاشو يكمل كلامو
مالك: خويا يفرحك قلي اوصافو الراجل هاذا كبير موش هكا عندو لحية خفيفة و شعرو ارطب فيه شوية شيب اه قلي قلي يعيشك هكا (مالك في حالة هستيريا يحب يسمع كان كلمة اي)
الراجل : الحقيقة ما نتفكروش برشا كنت سكران وقتها اصلا موش عارف كيفاه نجمت نجيبو لهوني و انا موش في وعيي اما ربي كاتبلو حياة اخرى لحسن الحظ كيف لقيتو طلع مزال حي
مالك فد منو الراجل قداش يحكي ما نغير ما استفاد منو شي تلفت لقا انطونيو جاي
مالك مشالو: انطونيو الراجل هذا لي جابو البارج و ينجم يكون هو والله أنطونيو
أنطونيو: مالك ولدي هدي روحك
مالك: بابا يا أنطونيو بابا ينجم يكون لهنا
أنطونيو: يا مالك أهدا أهدا وعنقو و مالك طرشق بالبكاء