عشق محرم

الحلقة 145

مالك قام : مسح دموعو ، قال كان كلمة لازمنا نروحو
و مشا بش يلمد في حوايجو، مريم طايحة في القاعة ، خزرت لامين : و بابا و ماما ؟ بش نهزوهم معانا موش هكا
أمين : ما تخافش عزيزتي تو نلقاو حل و مشالهم يطبطب عليها كملت نهارت بالبكاء أميرة موش لازم نحكيو عليها ماتت في يد عمر
مالك دخل و خرج و في يدو صاك : أميرة هيا
مريم قامت و مشاتلو : مالك و بابا و ماما يا مالك أكيد موش بش نخليوهم لهنا آه
مالك شدها من وجهها :ما تخافش أمين و عمر توا يريقلو كل شي و يخلطو باهي ، هيا ما تحط شي في بالك ، هيا
عمر طلع أميرة في الكرهبة و ربطلها السنتير
مالك خزر لعمر: خليك مع أمين ، شوفولهم وراقهم و جيبوهم ، كان فما أقل حاجة تكلموني بالوقت واضح ، نعمل عليكم
أمين تهنا
مالك جا بش يحل لباب و أمين وقفو :
مالك تلفتلو
: البركة فيك
مالك هز راسو بمعنى الإجابة و الغصة في قلبو ، موش حاب يستوعب الحكاية ولا بش يستوعبها

خايض وحدو يصيح و يعيط ... شنوا معناهاا ما لقيتوووهش آاااااااه تكلم أنطق حل ر... فمك
و وينو الطرطور لاخر ريحتو ما فماش ااااااه ياخي يخدم على كيفوو
: مسيو احنا عملنا لي علينا و أكثر صدقني و حسام تليفونو مسكر و نورمالمون ....
طورينتو: حل ر... فمك ، نورمالمون شنوااااا
: نورمالمون بدل رقمو ولا مسافر
طورينتو تغشش و الدم طلعلو لراسو: شنوااااا..( قدملو و شدوا ) فاش تحكي آااااه ياخي يعمل عملتو و يغيب عليكم الااااه وينكم انتوما ... فاش تعملو اااه اسمعني نقلك ( و شد راسو )، أنا راسي تكسر و معاش بش نحكي برشا ، كلمتين تجيبوهولي من كرش حوتة و مالمستحسن يكون حي ، و جثة طارق تطلع اليوم قبل غدوة سمععتنننييي ، الله لا تربحكم الكل ، الله لا تربحكم
دالي : بابا توااا لازمنا نفصلوها ، أنا معاش نفهم شي توا تقلي ، عندك يد في موت طارق العايشي أي ولا ؟
طورينتو أشار للحارس بش يمشي و دار لولدو
: دالي وراس ولدي لا عندي فيها حتى يد ، و شدو من كتفو صدقني ولدي ، ياخي علاش بش نضرو و أنا نعرف لي كان نقربلو بركا أميرة بنتو  تشعلني
دالي : آه پاا
طورينتو: شنوا ما فيبالكش لي عندها عليا دوسيات زرقة و زيد تخدم فالبي آي تنجم في أي لحظة تور... قص عليه
پا ياخي ،... ياخي أمييرة بنت... بنت طارق العايشي
طورينتو : أي سي دالي بنتوو أي
دالي بعد الصدمةولا يعيط:مالااا شكووون آاااه شكووون ، قليييي ، شكون بش يقتلو بخلافك انتي اااااه ، انتي تكرهو كره العما ، الفلوس عاميتلك عينيك(و قدملو) فيييييق يا بابا فيق وين ماشي ، نهار بش تقتل عايلتك على خاتر الفلوس ،و نقلك أنا مانيش مصدقك باهييي مانيش بش نصدقك تسمع فياااااا، صار انتي تعرف لي أميرة تنجم تقتلك هذاكا علاه خطفتها آااه ، خطفتها هي بش تهددو بيها موش هكااا و كيف كيف ما عملك شي تقتلو
طورينتو عينيه وساعت كيف قال خطفتلو بنتو فاش يحكي هاذا دارلو و نقطة استفهام كبيرة في مخو : اه ؟
دالي :شنواا پاا زيد قول ما عملتهاش هذي ، لا عاد ، تي كان موش أنا لي خرجتها بيدي ليلتها هي و عيشة و مريم توا نقول بالحق ما يعملهاش ،، پا بالحق أنا ماعاش نجمك والله ، انتي ماشي في هاوية كبيرة و أنا ماعينيش بش نتبعك و نقلك حاجة.. أقعد فيها وحدك
جاء خارج بعديكا رجع : آااا ما تنساش بش تحط راسك عالمخدة و ترقد متهني آه ، شبيك راك غني
قالها و خرج بصدمة كبيرة لا عمرو كان يتوفعها ، شنوا هالصدف و كيفاش الفترة لي فاتت لكل ما نجمش يطلعها و لا يعرفها هي شكون ، قداش فد منو و مالعيشة لي عايشها ، عايش في غابة ، غابة متع عصابات و مجرمة ، عايش بالقواعد شنوا هالعيشة عايش مع حراس بالسلاح وين يتحرك ووين يمشي ديما معاه ، فد علخر و كره روحو لوقتاه هكا ياخي لوقتاه بش يقعد بوه الكره و الثار و الفلوس عاميينلو عينيه ،خرج بالكرهبة و موش عارف فين ماشي ، يطلب في أميرة و يعاود شي ما حبتش تهز ، يحب يصبرها و يحكي معاها ، يحب يقلها لي هو عرف اليوم هي شكون و بنت شكون
و ما ننساوش طورينتو الي ملي خرج ولدو و هو واقف في بلاصتو ، فمو محلول موشمصدق لي سمعو ، أميرة ، أميرة لي جات ليلتها ، واقف حواجبو معقودة حاب يستوعب اكا موش منجم