عشق محرم

الحلقة 65

أمين: بالكشي ظروفو لزتو بش يعمل هكا و زيد ما نتصورش طونطون طارق بش يوصل يقتل يخبي عليكم خوه نقلك ظروف لزتو..يعني ممكنة الحكاية أما بش طونطون طارق يوصل يقتل هذي مستحيلة يا مالك شبيك و نتي تعرف بوك أكثر مني تي هو الدم في العيد ما يحملوش....
مالك: أووفففف...ما نعرش يا أمين ما نعرش معاش فاهم شي أنا معاش عارف شكون لازمني نصدق منهم الاثنين
أمين: هاي أميرة تطلب
:ألو أميرة
أميرة : وي أمين مالك بحذاك
أمين : إي ٱو بحذايا..سافا نتي
أميرة: منين سافا يا أمين هاو كل شي على عينيك عايلة كاملا دخلنا في حيط
أمين: ما تخافش أميرة بقدرة ربي كل شي يتصلح و يرجع كيف ما كإن و نرجعو ملمومين و نضحكو كيما كنا و بش نبقاو
أميىرة: نشالله يا أمين هذا لي نتمناه حتى أنا و نشالله تفكيرنا في پا يظهر غالط...امين عديلي مالك
أمين: هاي معاك
مالك: ممم
أميرة: مالك سافا
مالك: و تسأل يا أميرة
أميرة: أنا بايتة نخمم النوم ما جانيش ياخي پااا... قص عليها مالك: أميرة يعشك ما تحكيليش نحب ننسى ما تفكرني بشي يعيشك
أميرة: باهي باهي مالك سايس روحك
مالك : تشاو...ااا..أميرة ستنى ما طلبتكش مريم
أميرة : لا...
مالك :ممم
اميرة؛: مالك عيش خويا ما تحط شي في بالك مريم تحبك و تموت عليك و كيما نتي متوحشها هي زادا راي متوحشتك و تخمم عليك و نشالله تو كل شي يرجع كيف ما كان و أحسن
مالك: عيشك يا روحي
و عطا التليفون لأمين و رجع يخمم كيف ما كان
أمين: أمييرة أميرةة
أميرة:اممم
أمين قام مالكرسي و مشا شويا بش يتكلم: ياخي وينك نتي تو و عمر معاك
أميرة هانا في االصالون دو تاي
أمين: باهي ايجاو ابقاو معانا خلينا نتلمو- و حط يديه على فمو باش مالك ما يسمعوش و بدا يوشوش- و ندخلو مالك في الجو راو والله في حالا و زيد لوقتاه شتبقاو تخممو يزيو بلا كبي توا لي صار صار
أميرة: ما عيني في جو أنا أما مالك كيف ما قلت داخل في حيط..تعرفشي كيفاه دقيقتين و نكون بحذاكم..أبعثلي الأدراس و ما تقولش لمالك تو ما يحبش و يقولي ما تجيش
أمين: هذا لي بيك هه تهنى غير ايجا برك
أميرة: هه والله ضحكتني و ماعيني في ضحك باهي تشاو
أمين؛هه تشو تشو
ورجع قعد بحذا مالك قداه مسخفو حالو...مسخفو علخر