عشق محرم

الحلقة 131

النفس طالع هابط، كروشهم مشفوطة، أه سامحوني النفس لاهو طالع ولاهو هابط، ماتو واقفين قلبهم فال100, وكان يهز عليهم الريدو في أي لحظة توا يتكشفو و ما يعرفوش حتى سر فاطمة الكبير شنوا
واقف يثبت في الصالة تقول أول مرة يراها ،عينيه تلعب فالبلايص الكل ، ريحت الشراب ضربتهم في خشمهم ، حاس لي فها حاجة موش نورمال، ولا حاجة متبدلة في الصالة متعهم لي عندها الف سنا ما تحلحزتش من بلاصتها
ياسين و هو يحكي وحدو: شبيك يا ياسين يضهرلي هلوست
هيا عاد لازمك ترقد و مشا طالع في الدروج و يحكي ، تي ياسين تي شبيك هبلت راك نسيت الباب محلول ، و رجع بش يصكرو
كانو بش يخرجو من ورا الريدو رجعو ، اذيكا متخبة في نص و لخرى في النص لاخر ، مقابلين بعضهم ،كان عينيهم تلعب ، يحكيو بالعينين
ياسين هبط درجتين و بعديكا ندم بطل : ولا علاه نصكر في والديه انا الباب خليه اكاكا محلول ، عطا وهرة للدار، ولا تو جوليت تجي تصكرو علاه تخدم هوني مالا هي و نخلصو فيها و عيط، يا جوليييت
اميرة و مريم ماتو الف موتا في بلاصتهم ، اذيكا ذيبة كان تجي توا تكشفلهم ملعوبهم الكل ، لي هذي خزرت للاخرى خزرة خوف و غمضو عينيهم
ياسين عيطتو كانت ذابلة و ماهياش مسموعة، متع واحد علاطيها قد قد بالشراب عاود عيطت كلينو يحكي لعبد في وذنيه: جولييت ايجا سكر الباب موش باهي يقعد محلول
بات الحس ، مريم و أميرة فرحتهم ما تتوصفش ، أما كيفاه بش يكملو لعبتهم بعد الحيبورة لي حلها ي ياسين
خرجو من وراء الريدو و خايفين لا جولييت تجي ، ولا يشوفهم واحد مالحرس لس لبرة و يقود لفاطمة
خزرو لبعضهم و انسحبو، طالعين يجريو، وقتاه يوصلو للبيت خليه يوفا هالخوف لي خايفينو ، دخلو يجريو ، و سكرو الباب بشويا و تنفسو شنوا هذا ملا فجعة
مريم بعد ما تنفست تفكرت الكرسي عينيها وساعو و خزرت لأميرة: أميييرة، أمييييرة الكرسي
أميرة تفكرتو كيفاه تنسى حاجة هكا : ما نصدقش يا مريم ، كيفاه نسيناه
مريم : و هو قعد فينا عقل مالكبسة لي كبسهالنا سي ياسين
أميرة: اي كيفاه توا، الكرسي تقول لاصق بالملصق لازمو يرجع لبلاصتو سينون نتباصاو راهو
مريم: اي نعرف ، حطت صبعها في فمها خممت شويا: تعرفشي كيفاه ، انا بش نهبط و نتي كوفريني من فوق و كان تشديت توا نقول ضعت كيف العادة
أميرة: زعما يا مريم
مريم : قوم أميرة ما عنا حتى حل
أميرة: و كيفاه بش تهزو
مريم : توا نجرو ، نحاول نجرو من فوق الفوق هيا اميرة