عشق محرم

الحلقة 20

مالك حبو يشوف نور بنت خالتو فماش ما يتضرب فيها (و sûr شيتظرب فيها خطرها تهبل بالزين شعر أصفر و عينين زرق و عنها الطاي لي يغري الولاد الكل) و يلحمها يحبها تخطاه و تبعدو خاطرو بالسيف متحملها
مالك: منى تعشاو الجماعة
منى: أهلا مسيو مالك هام يتعشاو على حافة البيسين
مالك حب يعرف نور معاهم ولا باش كان هكا يقعد هو وأمين يتعشاو معاهم
مالك: أأ باهي و شكون معاهم
منى: مدام بسمة ومسيو طارق و معاهم مدام مليكة و مدموازال نور جاو الصباح
مالك: أأأ باهي مالا منيش شنتعشا في بيتي خلطلي عشايا وعشاء أمين للطاولة ،أمين هيا
منى: بطبيعة سي مالك
أمين: يا مالك تي شفما
مالك : تبعني تو تعرف
مالك:  أوووو تي هاكم ملمومين
نور شمت ريحت مالك تهزت وطحت
خلخولات يخلخل زروسك جيت
مليكة : هههه لامزلت تو كي نوصل نقلك
نور وقفت شتسلم على مالك طفاها و مشا قعد نور غزلت و مالصدمة قعدت واقفة كان كيف غمزتها مليكة باش قعدت
أمين تضرب جاء على راسو في نور مالك خزرلو لقاه مزال واقف في بلاصتو مبهم يخزر لنور تبسم تبسيمة متع خبث: احم...اااا..أمي هاو أمين جاء معايا شد الصحيح قال نمشي نشوف طا بسمة توحشتها قالها و ضحك يتزعبن عليه
أمين قدم سلم على بسمة
بسمة: مرحبا بيك في كل وقت ولدي ما تحشمش دز الباب و أدخل
طارق: بلاهي يا أمين هذا كفويا معك نجري و نجري بش نقنع بوك يسيبلك الشركة تديرها و في اللخر تتوحش بسمة وأنا لا
تي شبيني ديما منسي أنا في هالدار
أمين: ههههه هكا عم طارق تو هذا كلام أنا نجم ننساك ولا نقعد نهار ما نتوحشكش يجي منو تي نتنفس بيك أنا
ضحكو الكل سلم أمين على طارق و قعد بحذا مالك عالطاولة و تبسملو كوم كوا فهمتك علاش جايبني مالك فرح كيف أمين تضرب فالطفلة و في نفس الوقت قعد يستنا في نور يعجبهاش هي زادا و تنجم تنساه أما شي هي من بكري و هي تاكل في روحها الدموع في عينيها و تغزل كيفاه مالك ما يسلمش عليها  
مالك عرفها تغزل أما بقا يستنا فيها لين تبرد فماشي ما تخزر لأمين (حتى أمين راو مش ناقص زين بدن ووهرة و شعرو أكل و عينيه كحل حاصر اللحية يهبل و ضحكتو تسحر)
نور: بشفا ليكم و قامت من على الطاولة
أمين و مالك كملو كلاو و طلعو للبيت
أمين: ملا كعيبة أأ صاحبي موش عادية تي هاك مزهار عندك بنت خالتك هكة صحة ليك أنا بنات خالاتي الكل عفش ما فيهمش ختى وحدة اطير الغمة
مالك ما حبش يحكيلو على عملتها
مالك: أي أي أي نتي بنات خالاتك عفش يا معلم عاد أنا ريتهم و نعرفهم كعبة تنسيك في لخرة
أمين: امم نتي قلت انا ما ريتش تي باهي قلي شسمها هالشخطورة
مالك:نور
أمين: واااو أمين و نور... نور وأمين
مالك: ههه عرفتك شتطيح على راسك ذاكا علاش جبتك زيد سخفتني كيف قتلي فالتليفون كل واحد شاد موجيرة كان أنا نكلم فيك قلت خلي معاش يكلمني ههههه و زيد فماش ما اتوب كيفي و ماعاش تسهر
أمين: ههههه نتوب عالمشيان للكابريات و البيران أوكاي أما السهريات توا وين بش تبدا و هوني بحذاك في الدار
مالك: نعم بابا بش تجي تشدلي راسي
أمين: مالا شفي بالك ، شنولي ندز الباب و ندخل كيما قالت طا بسمة و من غدوة شنعمل مفتاح أسمع غدوة أطبعلي مفتاح الدار
مالك: هههههه هذاكا شناقصني ختى أنا كان سيادتك ملا وحلة حليت على روحي باب بلاء
أمين:ههههه عملت بيدك