عشق محرم

الحلقة 100

قاعدين فالكافيه، البيساي قداهمم ، مركزين عاللخر يحاولو يلقاو خيط على مالك الفيلا و قاعدين يخممو كيفاه بش يعملو و شنية الخطوة الجاية مالك حاط يدو هلى خدو و يتفرج و امين يسيرشي و عمر مقابلهم و قاعد يترشف في قهوتو و يستنا في الوقت بش يمشي يخدم هو قاعد و هو جاه تليفون
عمر: هذا هاو اشرف نشالله خير: الووو؟
أشرف: عمر، نور حاولت تنتحر
عمر: شنيااااا، علاه، كيفاه، شي شي هاني جاي
عمر ما حبش يتكلم قدام امين بعد ما حكالو مالك لي هو يحبها
مالك: شفما؟
امين: سافا عمر شصار
عمر هز المفاتح و قام: شي شي جاتني خدمة ايرجون ما تخافوش كملو نتوما تو نخلط عليكم ايا تشاو
مالك : باهي
امين: زعما شصار
مالك: بربي شتحبو يصير يا أمين راو يخدم في كلينيك بففف كمل خدمتك شيهمك نتي
امين : اففف، باهي باهي، ديما الدهك عليا انا، و -عيط للقارصون- سخنلي القهوة يعيشك
( السرفور بقا حاير🤐)
مالك خزر لامين: يا امين ياخي هبلت ماو قلو يجيبلك قهوة اخرى
امين: لا يا مالك لا ،انا نحبو يسخنلي هذي دبر فيا! ما عدلتها و جات بنينة كان بالسيف اون + هاي مزالت معبية بش يطيشها؟
خويا امشي يعيشك سخنلي القهوة هذي و مدهالو
مالك يعاني فيهم اما تعود شنو عندو يعمل: باهي باهي ما قلت شي كمل