عشق محرم

الحلقة 118

داخل يجري لابس كبيش نوار و فوق منها جاكيت و حاطط كاسكات نوار بش ما يعرفوهش ، هو راهم و هو كبس روحو دخل راسو بين كتافو و يمشي مطبس بش ما يراووهش ، لازم يخلط على أميرة و يحميها قبل ما يراها بوه، أول ما دخل راها قاعدة مقابلتو و حاطة يدها على وجهها عرفها مخبيه وجهها بش ما زرب في خطوتو يمشي و يتلفت لا بوه يدور بوه دار قد قد و هو ترما عليها فوق الديفون حملها ، هي موش عارفة شنوا قاعد يصير، شنوا لي هبط عليها و شكون لي تجرأ و مسها ، حلت عينها لقاتو هو ، شنوا هذا ما توقعش روحو يجيه نهار و يحملها ،أميرة موش لاقيه كيفاه تتصرف مسلمة روحها خاصتن لي أكا طورينتو متعدي من جنبها ، هو قرب و دالي دورها على بش بوه يتعدا و باقي محملها، هو طلع فالأصونسير قد قد و هي دزتو ، تمسح في فمها و تعاود و بعديكا قامتلو تعيط : شتعمل نتي ياخي هبلت
دالي : اا .. أميرة ،،...س..سامحني،...فيبالي،..
أميرة فاقت على روحها كيفاه عيطت عليه تي كان موش هو راي تشدت ما خلاتوش يكمل كلمتو : اه احم دالي امانك سامحني والله دخلت بعضي هذاكا علاش على كل حال نتي نقذتني مرسي بوكو اما توا لازم نمشي
مشات للأسونسير الثاني هزت منو الفاليزات موش مصدقة كيفاه حالفها الحظ و ما راهمش هزتهم و خرجت تجري بيهم: امي عيش اميرة هيااا ازربو فيسع قامو يزربو و خرجو و بوها طلبها
:أميرة ...اه هاني نرا فيكم حبس الكرهبة قدامهم و حللهم البيبان لي منتالي و هبط للباقاج
أميرة و عيشة طلعو يجريو و هو حط لاي فاليز فالمال و طار
طريق كامل ساكتين هو موش منجم يقول شي تالمون حاشم على عملتو و أميرة زادا موش منجمة تحاسبو
حاط يدو على فمو و يخمم كيفاه بش يدخل فالموضوع
أميرة حبت تكسر الصمت: خلطت روتار، أنطونيو جاء قبلك للأوتيل و دخل جاب ربي ما راناش و هو شد فراان
:شنوااااا .....قتليي جااااء،
أميرة:اي شبيك مستغرب
طارق :كيفاه ما عمللكم شي
أميرة قحرتلو بكل برود ما راناش
و بعديكا سكتت : پااا تنجم تقلي أحنا علاه هكا
طارق ساكت
أميرة صاحت: نحكييي معااك پاا جاوبتيي
طارق :سامحني أميرة
أميرة: على شنوة يا پااا قلي على شنوااا آه( و بدات تصيح) فسرلي على شنوا تحبني نسامحك آآاااه، أنا معادش عارفتك حتى إنتي شكون قليي ياپااا نتي شكون آااه قلي ، خاتر نتي ماكش پااا و أمبوسيبل كان تكون پااا خاتر أنا بويا موش هكا (اميرة نهارت و بدات تبكي و طارق زادا)
عيشة و مريم ساكتين يتفرجو منتالي موش منجمين يقولو شي 
طارق ترما بش يحمل اميرة أما هي دزتو
: ما تمسنيش، جملة ما تمسنيش ، أنا مزلت موش عارفتك انتي شكون ولا شنوا تنجم تعمل أكثر من هكا ، انتي وصلت تخطف و تنجم تكون تقتل جملة ما نستغربش وقت نسمع لي انتي قاتل حد خاتر أنا معاش عارفتك
(أميرة قالت تخطف و عيشة تصدمت)
عيشة: صار هو نتي لي خطفتنا سي طارق (وحلت فمها و مريم زادا)
أميرة فاقت على و علي قالتو
أميرة: لا أمي عيشة أنا نقصد... و قص عليها طارق : أي أنا لي خطفتكم
أميرة حلت عينها تخزر لبوها لي بالرسمي وجهو معاش يعنيلها حتى شي خاتر معادش تعرفو جملة
طارق: أي اميرة ، اي عيشة أنا لي خطفتكم ، و أنا زادا لي كنت نكره أحمد فالدم و كنت ناوي نقتلو أما ما قتلتوش والله ما عملتهاش صدقني ، نحا السانتير (و دارلها يحكي معاها ) نستعرف أنا لي عملت هذا و أنا لي خطفتكم و كنت ناوي نعذبكم صحيح
أميرة زادت حلت فمها و عينها تسمع فيه مصدومة و عيشة و مريم زادا
أما والله أنا نادم، والله أنا نادم، ندمت عاللي عملتو الكل ندمت لي أنا إنسان موش باهي و ندمت لي أنا كنت الإنسان الخايب عكس لي يحبو عليه ولادي و ندمت لي خليتهم يغيرو نظرتهم ليا و يحقدو عليا اي أنا نااادم ، ناااااااااااااادم
أنا موش البو الصحيح الولادي أنا موش الإنسان الباهي لي يتمنا الخير للناس الكل و بدا يبكي اما انا نادم اي نااادم و بدا يضرب في راسو عالفولون و يقول كان في كلمة نادم و بعديكا ركح و بقا متكي عالفولون و يبكي و اميرة تخزرلو سخفتو حالتو مدتلو بابي موشوار
أميرة: خووو
طارق قام من عالفولون و هو يبكي فرح مشا فيبالها بش تسامحو لقاها مدلتلو البابي موشوار بيد أما وجهها لقدام مام پا خزرتلو خذاها منها مسح وجهو هبط الفران و كمل يسوق