عشق محرم

الحلقة 33

طارق ركبو الشك طفلة عينين خضر و الشعر أشقر موش غريبة عليه و زيد يتيمة البو و الأم و تعيش مع جدتها كان يربط في البيجاما بطل و جاء فوق الديڥون لي مقابل بسمة و قعد مصدوم يربط في الخيوط متاع راسو لي ركبهم الشك بسمة: طارق شبيك سرحت
طارق مصدوم حال فمو: إسمها....
بسمة: شكون
طارق عيط على بسمة: الطفلة شسهما
بسمة: وه شبيك تعيط
طارق هبل و خرج من عقلو و بدا يعيط: تكللمم قتلك شسمها....
بسمة تفجعت ولات تترعد:ممممم...مممريم...إسمها مريم
طارق بقا باهت مصدوم موش عارف شيعمل زعما هي...لاا لا مستحيل....هي ماتت...هي ماتت مع الفاضل وسهام
ضرب الطاولة وهز دبوزة ڥوتكا وكاس وخرج للبلكون يشرب الكاس في جرت لاخر بسمة مزالت مصدومة كيفاه عيط عليها أول مرة يعملها زعما شبيه شصارلو
سوات روحها و قامت مشاتلو و شدتو من كتفو: طارق ساڥا شبيك
طارق خذا نفس باش يهدي روحو كيف يحكي معاها: شي يا بسمة نحب نبقا وحدي شويا خليني أمان
بسمة: باهي طارق كيف ما تحب...ااا... كان تحب ترقد وحدك الليلة توا نمشي نشوف بيت أخرى ولا نبات بحذا مليكة
طارق: لا بسمة عيشك أدخل أرقد على روحك خليني  أنا نزيد شويا و نخلط عليك
بسمة: باهي
هي دارت وطارق قلها : بسمة انتي وين ريتها الطفلة...نقصد مريم كيفاه جاء فيبالك لي نتي شايفتها قبل...
بسمة: ما نعرش أما وجهها موش غريب عليا
طارق: باهي بسمة إيجا معايا لحظة
وهزها و مشا للڨاردروب متاعو حلو و حل الخزنة السرية لي في وسطو بالكود فوق الفلوس لي كانت فيها كان حاط تصويرة مرا وراجل و شادين بنية صغيرة مزالت بيباي خرجها و وراهالها
طارق: بسمة تره ثبت فيها مليح هذي هيا الطفلة شاد التصويرة وهو مغطي وجوه المرا والراجل الزوز
بسمة قتلو ترا نشوف جات بش تاخذ منو التصويرة وهو عيط:لاا...بسمة شوف التصويرة و أنا شادها
بسمة تفجعت و قدمت ترعش للتصويرة وعينيها معبية بالدموع الطفلة الصغيرة كانت عينيها خضر زادا و شعرها أصفر أما بسمة كانت خايفة تترعد خايفة لا تقلو أي يعمل فيها ولا يضربها عمرها ما خافت منو كيف ماليوم خاطر عمرو لا تغشش كيف ما هكا
طارق كان يترعد و الغش يتطاير من عينيه و بسمة كانت تترعد و مالخوف التصويرة ما ثبتتش فيها بالباهي زيد كانت تشوف فيها فلو مالدموع قتلو:لا موش هي و ما تشبهلهاش طارق غفص التصويرة بيدو طيشها و عاود خرج للبلكون يشرب الشك مزال راكبو ر ما تنحاش جملة بسمة خرجت تجري وصكرت الباب جات بش تمشي بحذا مليكة أما ما حبتش تشوفها في هالحالة ..أول بيت فارغة جات قدامها دخلتلها وصكرت الباب بالفتاح مالخوف وهي ألف سؤال يدور في راسها على طارق شبيه تقلب دخلت تجري للدوش دوشت و خرجت حتى دبشها ما لبستوش رقدت بالكاپ