عشق محرم

الحلقة 97

مالك: والله يا امين موتك ما تكون كان على يدي
عمر: ياخي هبلت انتيييي ٱٱٱه؟؟ شبيك امين شتحب قلي شنواااا تحب تعمل بالضبط لشنواا قاعد تخطط فاش قاعد تصنع فهمنييييي
امين: وه ياخي شعندي قلت انا، تي خرجتكم منها المشكلة
مالك: باللهي، لعبت بينا كيف ما حبيت يا مسخ، وترتلنا عصابنا و خوفتنا، وبربي كان لا قدر الله تصيرلها حاجة اميرة و تفوح الحكاية و بسمة تولي تعرف لي هي ما مشاتش مع الفرقة الخاصة شنوا نعملك أنا وقتهااا ٱٱٱه تكلممم
عمر: انا نقلك- وتلفت لامين- , نكتفك و نحشيك فالفريڨو متع الموتى نبيتك جمعة غادي بحذاهم تونسهم شويا و تتعرف عليهم قبل ما تمشي بحذاهم ، بش كيف نخرجك من غادي تخرج حجرة و كيف نلطخك عالقاعة تمشي طروف طروف و تتفترش وقتها نشويلك طروفك و نهزهم للكلاب سمممعععععععععت يا مسخ
أمين ماهوش معدل عليه
هوما هككا و التليفون صونا عمر ديراكت قال :أمييرة
مالك: ما هواش تليفوني
أمين تبسم و هز : وي عزيزتي
مالك و عمر كملو يغزلو هوما في ورطة وهو يغرم في زمانو و ما هواش معدل عليهم من بكري و هوما يرعشو عليه هو قال هكاكا و عمر تنطر بش يضربو و مالك شدو
امين: ههه يا بنتي كان ترا الجو اليوم موش نورمال الكلهم يرعشو عليك ( عمر و مالك واقفين ماهمش فاهمين شقاعد يصير ) تي خوك بيدو يرعش اول مرة نراه في هالحالة ههه خلي عاااد من عمر طلع موش يكذب يا سيدي طلع يحبك بالحق ،أميرة هاو فيبالك كان بش تعرس أنا موافق
مالك تلفت لعمر و الضحكة على وجوهم و الدموع في عينيهم
عمر تنطر فك التليفون : اميييرة؟؟اميييرة
اميرة: وي وي عمر
عمر ضحك بش يموت مالفرحة و عينية معبية بدموع هو سمع صوت و بدا يبكي: ما نصدقش
اميرة : عمررررررر- قالتها بدلال- تي يزي عاد اني هوني، ما صارلي شي
عمر وهو يبكي: والله قريب نموت يا أميرة والله ، ما نتخيلش روحي نهار منغيرك
اميرة: يزيي عاد عمر هاني لاباس ما صارلي شي هياا عاد يزي مالبكاء ما كانش بش نتغشش راهو و نعلق التليفون
عمر: باهي باهي باهي, -و مسح عينو -هاني يزيت هاه، وينك نتي صافا،
مالك نحالو التليفون من على وذنو: تي سيب عاد كيف كبشت صافا صفا ماي قتلك لاباس، اي كهو عاد
امييييرة، و تنهد تنهيدة من اعماقو- الحمدلله يا ربي كيف نتي لاباس
اميرة: ههه هاو طلع عندك عرق الأخوة نتي و ما تضهرش يا كلب اتو نقلك
مالك: هههه
امين :كان تراا حالتو قبل بدرجين كيفاه نتي
مالك: هاهاهاها اسكت نتي بعد لا عمتلنا فيلم و حليت فينا فتريا
أمين: ههه
عمر رجع التليفون و كمل يحكي مع اميرة: اميرة شصار ياخي و شبيك قصيت الكال
اميرة : باللهي وقتو هو تو ، تو نحكيلكم اما موش توا نحب نرتاح مهم لي انا مزلت موجودا
عمر: كان ترا اك الكلب امين شعمل فينا نتي، مرجلنا كبيدتنا و ذوقنا المر ببرودة الدم متاعو تعرف ما نحكيلكش تخيل احنا نغليو و هو يلعب
امين: ههههه توصيااات الشاف اذيكا
مالك: شنوااااا.؟؟ ياخي انتي كنت تعرف لي اميرة ما صارلها شي
عمر منين كان لاهي بالتليفون تلها بيه شنوا بش يقول
امين بالطبيعة مالا جدت عليكم انا دمي بارد و ما نحسش
عمر عيط و جرااا لامين: اميييييييييييين
مالك شدو كيف العادة: عمر ريض روحك
مالك: فاش تحكي يا مسخ صار نتي فيبالك ؟؟
اميرة و هي تهتري وحدها فالتليفون: عمر، عمر، و -عيطت- عمممممممر، انا انا لي قتلو ما يقوللكمش
عمر: شنواااا صار نتي، وراا هالعملة
مالك: شنواا.؟
عمر: علاه يا اميرة علاه علاه شعمتلك، علاه طيحتلي الماء في ركايبي، عملت معاك الخايب انا اه قلي ( عمر يتبهلل)
مالك فك التليفون: بربي سيب قلو عملت معاك الخايب، شنوا للا نتي،تلعب ، عاجبتك عاد نتي اه ؟

اميرة فوق الفرش تاكل فالشيبس: وه يا مالك، كان من حقي اني نعرف شعوركم تجاهي و زيد حبيت نركبلكم الرعب شويا و نعرف قيمتي عندكم غلط في حاجا؟
مالك دمو سخن: بربي للا تتمقعر، باهي يا اميرة ، بااااااااهي بااهييييي، و تڨرمش زادا ڨرمش للا ڨرمش عطاك الوقت ،
اميرة: هههه تي يزي يا مالك، جيست حبيت نعرف بش تحسو عليا ولا ، ههه و هاني عرفت لي انا عندي قيمة عندك
مالك: لا ما عندكش، و انا اصلا ما كنتش خايف عليك راهو كنت خايف لا كيف يشدوك تقلهم لي انا بعثتك دونك انا كنت خايف على روحي باهي للا
امين عيط من غادي: يكذب، يكذب
اميرة ماتت بالضحك ، مالك عطا التليفون لعمر: شد احكي معاها انا كان نزيد معاها شويا بش تقتلني عن بعد