عشق محرم

الحلقة 7

عيشة: مالك أيا قيد عندك نومرو مريم و نومرويا أنا زادا بالكشي ما تهزش عليك هالمقصوفة
مالك: ههههه باهي أمي
مالك قيد نوامرهم سلم عليهم و روح
طريق كامل و هو يخمم مرة تجي في بالو مريم و يتفكر ضحكتها و تبهنيسها يتبسم وحدو و مرة تجي في بالو حكايتها يتفكر كيفاه قتلو لي هي فقيرة و الرانج روڥر تع بوها و تليفون جدايتها يدخل بعضو و تجي في بالو ألف حكاية و حكاية
مالك: وي عمر
عمر: تي ياولدي وينك الولاد لكل يستناو فيك زيد جايبين بنات جدد نودك ولا نشهيك أا صاحبي كان تراهم موش نورما زين و عين و المتريال الكل تلقاه عندهم ههههه
مالك: صلي عالنبي يا ولظي ماكش بش توب ياخي ما يطلعش عليك لي تعمل فيه
عمر: لا من صدقش ماكش مالك كان تطلع لربي
مالك: ههه لا مالك مالك تهنى ما خطفونيش
عمر: مالا السلعة المتكيفها صاحبي تطير طيران دبرلنا منها
مالك: ههه ظيما تتضومر لا منيش متكيف في كامل مداركي العقلية أما تنجم تقول تبت و حشمت على روحي
عمر: هههه انتي توب ههههه لا هذي ما نصدقهاش الحق عمر مثبت ما كليت شي ما شربت شي أثرلك على مخك
مالك: ههه ممصطك لا تهنى مخي في بلاصتو و نعرف شنعمل و توا طير
عمر: ياخي ماكش جاي موش بكري قتلي بش نتعدا لل پريسينغ تجيب سروالك من عندو و تجي
مالك: إي قلت أما توا بظلت رايي
عمر: فاش تحكي ياخي تلمنا الكل أحنا نتلمو ونتي ما تجيش شصار يا ولدي باش تقلبت
مالك: ٱاااه يا صاحبي كان تعرف شصارلي
عمر: شبيك يا ولدي شصارلك لاباس عملت أكسيدون ش فما تكلم فجعتني أنطق
مالك: ههههه تنفس تنفس يا ولدي ما صار شي شبيك تفجعت
عمر: أووف يا مالك تجبد عليا بالمرتاح ياخي تي تكلم شبيك
مالك: موش ٱمس قلتو صعيب تجي لي بش تخطفلي قلبي
عمر: يا ناري على خويا قلعولو قلبو
تي تتبهلل ياخي بش تبقى تحكيلي بالتقسيط تكلم
مالك: جات الطفلة لي خطفت قلب مالك العايشي
عمر: هههه أيا مبروك صاحبي وأنا نقول شبيه تبدل و هو قلبك موش فوقك هههه
مالك: عمر بااي
عمر: تي نفدلكو يا ولدي شبيك
مالك: ممم تفدليكك ماسط
عمر : ههه باهي و شكوني هاللي عرفت تخطف قلب مالك العايشي نعرفها أنا
مالك: لا هاذي موش مالبنات لي تعرفهم طفلة نيفة و متربية
عمر: هههه مالك ولا يتبع فالنظاف شوف أأ سيدي أه
مالك: عمر زايد الحديث معاك أي
عمر: تي لا يا ولدي تي نفدلك شبيك ماعاش تعرف التفدليك قلبتك على راسك هالطفلة باهي وين لقيتها
مالك : موش قتلك لي الپراسينغ لي نتعامل معاه بعيد عالدار و يخدم في بلدة صغيرة
عمر: أي قتلي..