عشق محرم

الحلقة 32

مالك روح للدار و يتخيل في مريم و يستنى في نهارت الخميس وقتاش يجي طلع لبيتو عمل دوش و بعد حط راسو عالمخدة و رقد
بسمة في الصالون هي و مليكة يحكيو على مريم  نور و أميرة كملو عشاهم و طلعو للبيت بش يلعبو
Playstation

طارق كمل الخدمة و روح دخل للفيلا وسكر الباب
طارق:هيييه هاكم مزلتو ساهرين و مشا لبسمة باسها من راسها
بسمة: بقينا ندردشو مع بعضنا زيد ما جاناش النوم ولينا حطينا فيلم نتفرجو فيه
طارق: إييه معقول و هز شويا pop corn  : أنا هاني طالع ندوش و بش نرقد والله ميت بالتعب وإنتي كمل الفيلم و أخلط
بسمة: باهي عزيزي
مليكة: شو كيفاه قتلو على خاطرها الزح مخيبو الحب كي يبدا من طرف واحد
بسمة: أي ريت خاصة كيف زوز يبعدو على بعضهم لسبب تافه ولا كي تدخل فيه العايلة والورثة بفففف القسم على الله أنا ماشية نرقد
مليكة: باهي مابال برا أرقد أنا مزلت شويا
بسمة: باهي بيزو بونوي وطلعت للبيت لقات طارق ينشف مزال كي خرج مالدوش و ينشف في شعرو مشات حملتو من تالي: توحشتك رويجلي الغالي
طارق: كنت تتفرج في فيلم رومنتيك باز
بسمة: ضربتو على ظهرو ومشات قعدت فالفرش: بففف قداكش بارد
طارق: هههه تي نفدلك عليك شبيك تغششت
ومشا باسها من خدها
بسمة: مم باهي و قعد يبدل في حوايجو
بسمة: ماني مشيت شفتها مريم اليوم هي و جدتها
طارق: جدتها؟؟ و أمها ياخي ما ريتهاش
بسمة: ياخي ما قلكش مالك لي هي يتيمة البو و الأم و تعيش مع جدتها
طارق: صااار ... لا ما قليش...
بسمة: قول نتي وقتاش حكيت معاه ماك ديما في الخدمة تلقاه نسا ما قالكش أما حكالي أنا
طارق: ممم..هيه و شقولك فيها متربية ،لا،زعما تصلح لمالك
بسمة: الطفلة تهبل متربية تشره و مزيانة تفتق أنا كي ريتها قلت كيفاه طفلة بالزين هذا فقيرة
طارق: أي نورمال فما...أنا الحقيقة ما حبيتوش ياخذ طفلة فقيرة حبيتو ياخذ بنت عايلة أكابر أما كي هو مكبش فيها شعندي نعملو ...هيه أوصفهالي الطفلة
بسمة: العينين خضر ، الخشم صغير، الشعر أشقر موش طويلة برشا أما لي حيرني ظهرتلي ما نعرش وين ريتها قبل وجهها كايني نعرفو