عشق محرم

الحلقة 111

طارق عارف لي فما حاجة قاعدة تصير، الفرملية كل يوم تجي، و فاطمة لاباس عليها ، ماهواش بش يبقى مكتف يدو لازمو يستناها لين تجي و يبقى يعس عليها ...
مرمي فوق الفرش يخمم في بسمة قداه متوحشها و متوحش بنتو و مالك زادا ! تنهد تنهيدة تهد الجبال و قام ركب البيس و بقا يخمم يطلبو ولاا، بعديكا قال نطلب و على ربي ..
مالك جاه نيميرو من بريطانيا ما خممش حتى لحظة انو ينجم يكون بوه : الوووو، امييرة !
طارق فاش قاعد يحكي علاه قال اميرة : فاش تحكي ياخي اميرة ويين ؟
مالك موش مصدق لي يسمع فيه بووووه!!! اي بووه! مالك مصدوم : پاااااااا!!
طارق بلع ريقو و تنفس : اي مالك انا، و توا قلي علاه قلت اميرة ياخي اميرة وين ؟
مالك: صار نتي طالبني بش تحقق معايا، مشا فيبالي تفكرتني اذاكا علاه طلبت ، اما هلني ظهرت غالط
طارق: مالك ...انتي ولدي...، كبدتي، بطبيعة طلبتك خاطرني توحشتك عاللخر ، و، و( طارق يحكي بغصة موش عارف علاه اما نادم لي هو خلاهم متحيرين عليه و جاء) و توحشت اميرة زادا، و بسمة ،
مالك: علاه عملت هكا يا پاا قلي، علاه، ياخي في شنواا قاعد تعمل، اه؟ قلي پااا قلي، لازمك تروح و تبرر لي قاعد تعمل فيه، خاطر انتي تواا بالنسبة ليا الراجل، لي كان عايش معايا و ما نعرف عليه حتتتتى شي، اي يا پاا ظهرت ما نعرفكش، ظهرنا ما نعرفوكش كيما يلزم، انتي موش هو طارق العايشي، انتي الوجه لي كنت تمثل بيه علينا، ايجاا برر، ورينا حقيقتك پاا، خلينا نقولو لي احنا غالطين و ماناش مخدوعين فيك!، اما انتي شنوا عملت بررت الوجه الٱخر بهروبك، اول مشكلة عرضتك هربت و خليتها؟ انتي موش پاا لي عرفتو، طارق العايشي ما يهربش و يخبي وجهو مالحقيقة. و توا سامحني، نحب نحوس على بويا لي نعرفو و علق عليه
طارق محروق، لي سمعو توا خلاه يندم، موش يندم ياكل روحو ندم، قلبو تقطع، كيفاه عمل هكا؟ كيفاه يعمل في عايلتو هكا؟، علاه عمل هكا في ولدو، حرق قلب ولدو بش ينتقم، حرق قلب كبتدو بش يخلص ثار قديم، فاق على روحو، قال وين انا و فاش قاعد نعمل، كيفاه نعمل هكا، كلام مالك مزال في وذنو قداه قتلو كلامو، كلامو مشا ديراكت سكاكن في قلبو ، قداه ندم قلبو تقطع خرج شم الهوااا و تنهد تنهيدة خرجت معاها الوجيعة لي في قلبو، دخل ، هز راسو يرا في الوقت ، تفكر ، توا ال17:15 و هي تجي ال17
خرج يجري من بيتو بش يطل عليها من فوق، جات ولا لقاها خرجت، و كالعادة، البلاصة لي هي تمشي فيها ما فيهاش باب، طارق بش يهبل شنيه هالحكاية علاه هذي قاعدة تجي كل يوم و فاطمة موش مريضة شمجيبها و صاك الدوايات في يدها؟