عشق محرم

الحلقة 24

مالك: أمبوسيبل...لا عاد.....ما نصدقش توا ما عاش فيها بالرسمي.....أمين تحكي بجدك ياخي ولا تفدلك

أمين تفجع وجهو لخلخ و ماعاش فيه حمار و خضار و صفار تهز و تحط أول حاجة جات فيبالو إنو بش يخسر صاحبو و عشير عمرو 
ٱمين: اا..ش.شبيك...
مالك: زايد خامج والله و تقعد طول عمرك خامج و ما تتصلحش
أمين قال صايي فهم كل شي بقا يخزر المالك و ساقيه واقف عليها بالسيف مالخوف
أمين: .......
مالك: ياخي نورمال نتي تخرج و تخليلي الصال دوبان حالتها هكا و مزقزقة بالماء تقول كنت تعوم فيها موش تدوش
أمين طمان قلبو كان يدق في الألف مالخوف قريب يكفر عليه مالك أما رتاح و غصرة و تعدات
أمين: الله يهلكك يا مالك طيحطلي قلبي
مالك:تي أنا لي تفجعت كي ريت الصال دوبان هكا ياخي قلي ديما هكا نتي حتى في داركم
أمين: إيييه يا مالك بربي خطاني تي ماو عندكم داي بون عيط لوحدا فيهم تو تنظفها
مالك: بربي بابا و فاش قام عليك نتي كان دزيتهم طرف الماء لي بلحطط بيهم القاعة قول هوما أسطلة ماء موش طرف، بربي ياخي عبد نتي معناها تعيش كيفنا نحنا العباد ؟؟ مالك يسأل فيع و يصيق فالماء
أمين متصدر فوق الفرش يقرمش فالشيبس و يحوس على فيلم
أمين:مالك بربي إيجا نشوفو فيلم قلو كاپ دو بان قلو ماء في الصال دو بان
مالك تفكر الكاب دوبان
مالك: أأأأ فكرتني فالكاب دوبان
أمين تفجع و تمتم: يعطيني قصة فيه....لساني
بطبيعة
مالك وقف في فم الباب البيت
أمل....أمل
أمل طلعت لمالك :وي سي مالك عيطلي
مالك:أمل باللهي الكاب دو بان متاعي لي معلق في الدوش نتي لي هزيتو؟
أمل: لا سي مالك ما ريتوش
مالك: زعما منى شافتو.. باهي أمل تنجم تمشي
أمين : مالك تي هيا بركا بش تبقا تبوج عليه ماي راي وحدا من لاي بون جات تنظف فالبيت ياخي لقاتوشي مسخ ولا حاجة هزتو
مالك: لا بيتي ما نظفوهالي كان الصباح وبعد ما دخل حد زيد أنا قبل ما نخرج من بحذاك ثبت فيه لقيتو موجود شكون هزو ....بقا حاط يدو على دڨنونتو يحك فيها و يتفكر ...أأأأ زعما منى كيف دخلت تحط في باكو الشيبس
أمين ياكل فالشيبس غص ولا يكح خاف لا تطلع سمعت حاجة
أمين: شنوا ياخي باكو الشيبس موش نتي لي طلعتو
مالك: لا منى أما نا قتلها باش ما تدخلش خاترك تدوش.... و تلفت لأمين :زيد شبيك خايف نتي تقول عامل عملة
أمين:اااا...أناا...لال..شي شعندي نعمل أما حشمت قلت تطلعشي دخلت عليا وأنا ندوش و هي لي هزتو
مالك مزال واقف و شاد الباب قال : هاني شنعيطلها منى...منىىى
أمين: تي هيا بركا مالك تلقاك راك حطيتو في بلاصة ونسيت حليتلنا تحقيق على كاب تو بعد تلقاه
مالك يكره المعاندة و مزال مكبش فالكاب أي سيرتو إنو شافو قبل ما يخرج شكون لي بش يهزو
منى: سي مالك أني لهنا عيطلي
مالك: بلحوحي نشف و أنا نعيط زعما نجرب في صوتي
منى :هه سامحني سي مالك
مالك:منى الكاب دو بان لي معلق فالدوش نتي لي هزيتو
منى: لا سي مالك وه تعرفني نهز حاجة من غير ما نشاورك زيد كيف قتلي بلي سي أمين يدوش حشمت باش ندخل للبيتحتى باكو الشيبس لي مديتهولي طيشطو مالباب لفوق الفرش و ما دخلتش
مالك حار: باهي تنجم تمشي ليلتك زينة
شك في روحو أما بش يكذب عينيه
مالك: غريبة ..وين...مشا...كان ما جيتش ولد شريك پا و لاباس عليك تو نقول سرقو 
أمين مزال مسمر في بلاصتو ملي حكى مع منى خاف لا يحل تحقيق بالرسمي عالكاپ
أمين حب يعديها بضحكة و ينسيه فيه: هههههه ووين حطيتو بربي  في..... أون+ كان جيت بش نسرق نخلي البيت كاملة و نهز كاپ دو بان هههههه  زيد هاني لابس متاع زوز ملاين ماني نهز هذا علاش لاخر
مالك ضحك و بين كلمة و كلمة نساه فيه