عشق محرم

الحلقة 104

يجري بيها فالجردان تاع كلينيك، يضحكو و عاملين جو و هي طايرة مالفرحة المود متاعها تقلب 360 درجة اول مرة تحس روحها فرحانة هكاا ، تضحك و عاملة جو، تحس في روحها تولدت من جديد عكس البارح لي كانت تبكي و تحب تقتل روحها،
نور: ههههههه بشويااا بششويااا هههههع تي بشوياا راك بش تطيحني
أشرف: ههه ما تخافش مدامك معايا عمرك ما تطيح
نور: هه يا ولدي كان تتنحى العجلة تع الكرسي تحبنا نباصيو
أشرف : نورمان توا نشريولهم كرسي ٱخر
و كمل يجري بيها و الناس الكل تخزرلهم ماشي فيبالهم كوبل قداش عاجبينهم
مليكة كانت راقدة قامت تسمع فالضحك تحت شباكها حلتو شوياا تراا في نور و اشرف موش مصدقة، موش مصدقة لي قاعدة تراا فيه بنتها رجعت تضحك بعد لي تعداة بيه الكل، بنتها تضحك بعد البكاءو الوجيعة موش مصدقة تخزرو تثبت خايفة لا تطلع غالطة عينيها دمعت و طارت بالفرحة تنطرت لبسمة لي كانت راقدة بحذاها تفيق فيها
مليكة: بسمة بسمة بسمة قوم ما نصدقش يا بسمة
بسمة: باسم الله شبيك مليكة لاباس صارت حاجة
مليكة : قوم يا بسمة تي قوم ايجا معايا و شدتها من يدها تكركر فيها للشباك تي تحرك يا بسمة
بسمة: وه بالشوية يا بنتي كسرتلي يدي شبيك شفما
مليكة:شو شو
بسمة: وه ياخي جايبتني بش توريني الشمس ولا الحشيش شبيك مليكة وخيتي ياخي هبلت
مليكة: تي يا بسمة تي شوووف شوف غادي -و شدتلها راسها بيدها الزوز و دورتهولها- تراا توا ولا نوور يا بسمة نووور
بسمة تخزرو موش مصدقة دارت تحمل في مليكة فرحانة

أشرف طل على نور من فوق راسها: و بقا يخزرلها سرح في عينيها و نور زادا بعديكا فاقو على رواحهم و كمل يمشي بيها شويا لين لقاو ديفون هبطها من على الكرسي و قعدها على الديفون و بعديكا قعد هو
و قعد يخزلها اما نور موش معاه قاعدة تتفرج على الماشي والجاي
اشرف: نور شتحس في روحك
نور: خيير ببرشششاا
اول مرة نحس روحي هكا
اشرف: شتقصد بهكا نقصد كيفاه يعني
نور: انا عمري لا فرحت في حياتي و لا ريت الفرحة كنت كيف نضحك راو فوق من قلبي و دوب ما نضحك شوياا بعديكا تجيني مصيبة ما اكبر و وجيعة ما اكبر تنسيني في الضحكة الصغيرة لي ضحكتها و الوجيعة لي في قلبي اما اول مرة نحس روحي فرحانة من قلبي، ما نعرش، ما نعرش علااه ججيست فرحانة و اكهو -و خزرت لاشرف- مرسي اشرف و قدمت باستو من خدو اشرف ترهوج بقا في بلاصتو ما تحركش حتى النفس صعب عليه تقول ضربو الضو
اما الضو لي ضربو هو ما ضربش نور