عشق محرم

الحلقة 28

مالك وصل مريم للدار و قلها بش تحضر روحها غدوة بش يمشيو يشريو روبة للخطبة بعد لا ترا بسمة مريم ما حبتش قتلو توا تشوف حاجة من عندها تلبسها أما هو كبش و قلها لا
دخلت للدار فرحانة و تعيط
:أمييييييي أمميييييي تييي وينك إجري
عيشة: شفما شفما يا بنيتي...أوووه فجعتني شبيك
مريم عيطت تنطرت لجدايتها حملتها : أمي زغرط خطبتي نهارت الخميس
عيشة فرحت عاللخر وولات تزغرط: هههه يا حلوفة و نهارت لي جاء و حكا معايا طردتو
مريم ضحكت : أمي حقا أم مالك شتجي تطل علينا غدوة بش تتعرف عليا لازمنا نظفو الدار
عيشة: أأأ مرحبا بيها...مالا إمشي إنتي بدل حوايجك و أخلط عليا
مريم: باهي أمي أبدا نتي مدام أنا جيت
و دخلت تنڨز و عاملة جو
داخل للفيلا لقا كرهبة أمين فالدار : إيييه هذا لي ناقصني أنا توا
مما..مما...عرضو طارق ياكل في تفاحة: أأأ مالك جيت
مالك: أهلا پا لا مزلت شوف البرا بالكشي تلقاني
طارق: هاهاها ديما بمساطك
مالك: پاا وينو أمين
طارق: شوف فالصالون الكبيرة أوكا هو و نور يلعبو فالشطرنج و أنا خليني نمشي للشركة
مالك حار أمين و نور.؟: باهي پا
مشا مالك للصالون لقاه قاعد هو و نور
مالك : أمييين صار نتي لهنا
نور سمعت صوت مالك تهزت و تحطت و شدت روحها بش ما تخزرلوش
أمين: أهلا مالك جيت
أمين قالهالو و عينو ما هزهاش مالشطرنج
مالك: لا مزلت.... و لا لازمني نقلك كيف نجي لدارنا
أمين يتزعبن: لا لا خوذ راحتك
مالك : مم زيد تمقصص...خزر لنور و تبسم حب يغزلها : أيا عاد قوم بش نحضرو رواحنا خطبة خوك نهارت الخميس راو
نور تهزت و تحطت غزلت و دخلت بعضها وجها حمار و غلات من داجل تبلع في ريقها و تعاود بش تشد روحها و ما تعملش حتا رياكت قدامو
أمين: إي نشالله مبروك ماو فيبالي و قتلك مبروك
مالك: قوم قوم، قوم عندي ما نحكي معاك قلو ماو قتلك مبروك
أمين: تي مالك سيبني خليني رايض
مالك: قوم أمين و دزو: إمشي قدامي مالك يدز فييه و أمين يخرنن :بففف ديما في جرتي ياخي... تقول كان نتي بش تخطب ....
نور حبت تدز فازة لمالك بلعت ريقها و خذات نفس : أمين إيجاني مبعد نكملوه الطرح أني بش نهز لوحة الشطرنج كيف ما هي أه
أمين :باهي نور مشات معاك كان خلاني هال....تي بشويا شبيك يا ولدي
مالك: أدخل ... مالك دخل و صكر الباب
أمين: تي يا مالك ديما تفسد زح
مالك: هاو جوك فسفس انتي و نور تلعبو فالشطرنج ولا علابالكم  كالسبة
أمين لوح روحو فوق الفرش: ههه أأأ مالا نلعبو نحنا
مالك: أبك أبك هي و كيفاش صار أذايا
أمين : كي تجي تشوف أختك هي لي ركحتلنا الجو
مالك: هههه أميرة ههه كيفاش بربي
أمين : جيت لقيتها تلعب هي ونور بقيت واقف بحذاهم كلمها عمر خرجت تجري وقتلي كمل ألعب معاها هي كهو لين جيت سيادتك فستدها
مالك: ههههههه هيا باهي العاقبة للعرس
أمين: ههه شالله صاحبي كان خليتنا

مالك: ههه.... ااا مما ويني
أمين: أأأ تقصد أمي خرجت هي و طاا مليكة مشاو لڨمرت يفطرو
مالك: ياا علاه ما قتليش و أنا توا كنت غادي أنا و مريم ولا راي مشات معايا فرد مرة تعرفت عليها
أمين: وين تعرف بربي هي.
مالك: ستنا ساعة شقتلي إنتي...هههه أمممممك؟؟ من وقتاش
أمين: ماليوم ... ماو صاياي إستبناتني و وليت ولدها و طبعتلي الدوبل متاع الفيلا شنولي كيفك ندز الباب و ندخل
مالك: هههههه شنوا؟؟ معناها نتي تحب تولي كيفي تدز الباب و تدخل
أمين يتبهلل : أي علاش لا كان نتي تدخل بالمفتاح شبيني أنا مانيش ولد الدار زيد ماليوم أنا خوك
مالك: هههههه أي ما ناقصني كان نتي تي أنا بلاش خو و واحل.. مزالي كان نولي نراك كل دقيقة تي أنا كل نهار و فادد من خليفتك هههه معناها نولي نخاف على روحي
أمين: بالضبط.. وحقا من اليوم دبر وين ترقد البيت هاذي شتولي بيتي
مالك: ههههههه أما نتي خذيت راحتك أكثر ماللازم اه ملا عملة عملتها في روحي عرفتك في نور و ندمت
أمين: هههه كهو عملت بيدك صاحبي
مالك: قوم قوم قوم مالفرش قلو بيتي
أمين: تيي بففف البلاصة لي نمشيلها تقومني منها ظاهر فيك وليت غاير مني انتي خاطرني خوك الجديد هاها واللهي عرفتك
مالك :هههههه أي هاك طلعتها