රාවණන් [Completed]✅

31📖️

චටාස්

"අප්පච්චි.."

"අනේ මහත්තයා.."

"කට වහපන්.. එකෙක් කතා කරන්න එපා.. මම අද මේකිව හමගහනවා.. තෝ තෝ තෝ.. තෝ ප## බැ##.. මාව කන්න ආපු එකියක් තෝ.."

"මම මොකක්ද කරපු වරද අප්පච්චි.."

"වරද.. වරද මොකක්ද කියලා අහන ලස්සන.. තොට ලැජ්ජ නැද්ද යකෝ කොල්ලො එක්ක කාම⁣ර අස්සෙ රිංගන්න.. ඒකත් මට විරුද්ධව වැඩ කරන එකෙක් එක්ක.."

"මම රදීශ්ට ආදරෙයි අප්පච්චි.. අනික මම වරදක් නම් කරන්නෙ.. එතකොට අයියලා.. එයාලා කරන දේවල් හරිද.. ලොකුයි පොඩියි චූටියි කරන දේවල් දන්නෙ නෑ වගේනෙ ඔයා මට ඔහොම කෑගහන්නෙ.."

"උන් කොල්ලො යකෝ.. ඕකුන් මොන වරද කරත් උඹලාගෙ මේ අම්මාට පුලුවන් උන්ව නාවලා කරලා ලස්සනට ගෙට ගහන්න.. ඒත් උඹ එහෙමද.. උඹ කෙල්ලෙක්.. ඉවරයි ඉවරයි තෝ මගෙ නම්බුව කෑවා.. අරූ මට කෝල් කරලා කිව්වෙ තොගේ හපන්කම් ගැන.. අද මම තෝව......"

"අප්පච්චි ඇති.." අප්පච්චි ආයෙත් නංගීට ගහන්න හදද්දී පඩි පෙළ බැහැලා පහළට ආපු මං එයාව නතර කරා..

"පොඩි අයියා.." මාව දැකපු ගමන් තූර්යා අඬාගෙන ඇවිත් මට තුරුලු වෙද්දී දිග හුස්මක් පිට කරපු මං එයාව තුරුලු කරගත්තෙ ඔලුව අතගාන ගමන්..

"නළවපන් නළවපන්.. පුලුවන් නම් උකුළෙ දාලාම නළවපන්.. උඹ හුරතල් කරන නිසා තමයි මේකි මගේ කරේ යන්න එන්නෙ.." අප්පච්චි කියන කතාවෙ ඇත්තක් නැතුවම නෙමෙයි.. පවුලේ එකම කෙල්ල නිසා අපි එයාව හුරතල් කරා වැඩියි.. ඒ නිසායි මේ හැමදෙයක්ම..

"යනවා රූම් එකට.."

"අයියා.."

"කිව්වා අහලා රූම් එකට යනවා.. තමුසෙට ආයෙ තනියම මේ ගෙදරින් එලියට බහින්න තහනම්.."

"ම....."

"කට වහගෙන පලයන් කිව්වාම.. එහෙම නැති උනොත් අප්පච්චිට කලින් මමයි උඹට ගහන්නෙ.. එකසැරයක් දෙසැරයක් හොඳින් කිව්වා උඹට උගෙන් ඈත් වෙලා ඉන්න කියලා.. කියන දේ අහන්නේ නැත්නම් මෙහෙම කරනවා ඇරෙන්න වෙන විසඳුමක් නැහැ.." මං සැරෙන් කෑගැහුවාම තූර්යා අඬාගෙන එයාගෙ කාමරේට දිව්වෙ අම්මාත් එයාගෙ පස්සෙන් යද්දී..