රාවණන් [Completed]✅

96📖️

හැමදාම වගේ අදත් මං මගේ කාමරේ කෙලවරක තිබුණ රාවණ ප්‍රතිමාව ඉස්සරහා අත් එකතු කරලා වැන්දා.. පිරිමියෙක්ගෙ ජීවිතේ දෙවනි උපත කසාදෙලු.. ඉතිං හැම ප්‍රශ්නයක්ම හැම කරදරයක්ම ඉවර උන තැන අද දෙවනි වතාවටත් මම එයාව කසාද බදිනවා.. කලින් වතාවෙ වගේ නළලට පිස්ටල් එක තියලා නම් නෙමෙයි.. මේ වතාවෙ එයාගෙ කැමැත්තෙන්මයි එයා මගේ ළඟට එන්නෙ.. මගේ මූණට හිනාවක් එද්දී ආයෙත් එයාව මුලින්ම දැකපු දවසෙ ඉදන් ඒ අතීත මතක මගේ හිතට ආවා..

"මොනවා කරන්නද.."

"මම ඇහුවේ තමුන් එයාට මොනවා කරන්නද කියලා.."

"ඒයියි.."

"හෙට සෝෂල් මීඩියාස් වල ඉන්න ඕන නැත්නම් ඇඟිල්ල පහතට දාලා කතා කරන්න මන්ත්‍රීතුමා.."

"තමුන් මට තර්ජනේ කරනවාද.."

"ඇයි මට බැරිද.. අපේ ඡන්දෙන් ඔය පුටුවට ගිය තමුන්ට අපිට තර්ජනේ කරන්න පුලුවන් නම් තමුන්ව ඔය පුටුවෙ ඉන්දපු අයගෙන් කෙනෙක් වෙච්ච මට බැරිද තමුන්ට තර්ජනේ කරන්න.. හැබැයි පොඩි ප්‍රශ්නයක් තියෙනවා.. මන්ත්‍රී කෙනෙක් කිව්වා නේද.. ඒත් මම තමුන් කවුද කියලා දන්නෙ නෑනෙ.."

"රාවණන්.. මගේ නම.. අමතක නොකර මතක තියාගන්න"

.
.

"ලොකු ලොකු වාහන වල ගියාට කමක් නෑ මන්ත්‍රීතුමා.. අමතක කරන්න එපා මේක රක්ෂිත භූමියක් කියලා.. නිතරම පාර හරහා සත්තු පනිනවා.. කොහෙද ඉතිං සල්ලි තිබුණාට මොලේ දෙන්න බෑනෙ.. දේශපාලනෙ කරන හැම එකාම හිතන් ඉන්නෙ මේවා උන්ගෙ අම්මාගෙ අප්පගෙ දේපල කියලා.."