"අම්මා.."
"මං වතාවක් කිව්වානෙ තූර්යා.. තවත් ඒ ගැන කතා කරන්න දෙයක් නෑ.. ඔයාට භවාන්ගෙන් ඩිවෝස් වෙන්න බෑ.. ඔයාට මේක සෙල්ලමක්ද.. මේ රටේ මිනිස්සු අපිට හිනා වෙයි.. කසාද බැඳලා ළමයෙකුත් ඉඳිද්දී ඩි........"
"එතකොට අර ගෑනි.. මට විතරක් නෙමෙයිනෙ මෙයාගෙන් ළමයෙක් ඉන්නෙ.. ඒකිටත් ඉන්නවානෙ.. ඔයා මොනවා කිව්වාත් මට තවත් මෙයා එක්ක ඉන්න ඕන නෑ.. මම ඩිවෝස් වෙන එ......."
චටාස්
එහෙම්මම අම්මා කේන්තියෙන් තූර්යාගෙ කම්මුලට ගහද්දී මම වගේම තේව්ත් පුදුමයෙන් ඒ දිහා බලන් ඉඳියා.. හැමදාම තූර්යාගෙ පැත්ත ගත්ත අම්මා , එයා වැරදියි කියලා දැන දැනත් ඒ වැරදි වහපු අම්මා අද එයාට මෙහෙම අත උස්සද්දි මගේ හිතට දැනුනේ මහ අමුත්තක්..
"මැති ඇමතිලාට තව ගෑනු ඉන්න එක සාමාන්ය දෙයක් තූර්යා.. ඔයාගෙ අප්පච්චි පවා මට කලින් තේව්ගෙ අම්මාව බැඳලා ඉඳියෙ.. එයා හැමදාම ආදරේ කරේ මන්දිරාට මිසක් මට නෙමෙයි.. අවුරුදු තිහකටත් වැඩිය මම මේ දේවල් ඉවසගෙන එයා එක්ක ජීවත් උනා නම් ඇයි ඔයාට බැරි භවාන් එක්ක ඉන්න.. එයා කසාද බැඳලා ඉන්නෙ ඔයාව මිසක් ඒ කෙල්ලව නෙමෙයිනෙ.."
"අම්මා.."
කම්මුලට අත තියාගත්ත තූර්යා අම්මා දිහා බලන් ඉඳියේ පුදුමයෙන්..
"ඔයා.. ඔයා මට අත ඉස්සුවාද.."
"ඔව්.. මම ඔයාගෙ අම්මා.. ළමයි කොච්චර උස්මහත් උනාත් දෙමාපියන්ට එයාලාට වරදකට ගහන්න බැරිකමක් නෑනෙ.."
"අම්මා.."
"වචනයක් කතා කරන්න එපා.. ඔයාට භවාන්ගෙන් ඩිවෝස් වෙන්න බෑ.. මම කි........"
"ඇති.."
තේව් අම්මාගෙයි තූර්යාගෙයි කතාව මැද්දට පැන්නා..
"තේව්.."
"මං කිව්වානෙ ඇති කියලා.."
"මං මෙයාගෙ අම්මා තේව්.. මට පුලුවන් මගේ දරුවාගෙ ජී....."
"ඔයා අම්මා වගේම මං මෙයාගෙ අයියා.. සීයා නැති තැන මේ පවුලේ තීරණ ගන්නෙ අප්පච්චි නැත්නම් මං.. "
"පුතා.."
අම්මා ආයෙත් කතා කරන්න යද්දී තේව් අත උඩට උස්සලා එයාව නතර කරලා භවාන් දිහාට හැරුණා..
YOU ARE READING
රාවණන් [Completed]✅
Fanfictionමම ද රාවණෙකි ඔබෙ පෙම අභියස🖤 තේව්💞තේනු •ආත්ම බන්ධන කතා පෙළ 1.රාවණන් 2.කාළි 3.අයිඩී (රාවණන් 2) 4.විලන් (කාළි 2)