රාවණන් [Completed]✅

08📖️

"අද මෙතනදි ශිව දෙවියන් ඉස්සරහා මං උඹව සදහටම මගේ කරගන්නවා.."

එයාගෙ වචන කන් ඇතුළේ දෝංකාර දෙද්දී මම එයා දිහා ඇහිපිය නොගහා බලාගෙන ඉඳියා..

"භයිරව්.."

"මන්ත්‍රීතුමා..?"

"එයාව ගෙනාවාද..?"

"ඔව් මන්ත්‍රීතුමා.. අපේ උන් ළඟ ඉන්නවා.."

"එක්කගෙන එන්න කියපන්.."

"හරි ම..."

"ඔහොම ඉදපන්.. මං තාම කියලා ඉවර නෑ.. කාටවත් එන්න බැරිවෙන්න මේ ශිව දේවාලෙ වටේට ගාඩ් එක දාපන්.. ඒ ගමන්ම දේවාලෙ පූජකතුමාවත් විනාඩි දහයක් ඇතුලත ඇතුලට එවපන්.. විනාඩි දහයයි කියන්නේ විනාඩි දහයයි.. ඊට වැඩිය එක තත්පරයක්වත් පරක්කු වෙන්න බෑ තේරුණාද.."

"ඒත් මන්ත්‍රීතුමා දේවාලෙ උ..."

"හු- කතා නොකර මම කියපු දේ විතරක් කරපන් අයිසෙ.."

"සොරි මන්ත්‍රීතුමා.. මම එහෙම කරන්නම්.."

එයාගෙ බොඩිගාඩ් එතනින් යන්න යද්දී තේව් මගේ දිහා බැලුවේ කට කොනකින් හිනාවෙන ගමන්..

ඔයාට බෑ තේනු මේ දේ වෙන්න ඉඩ තියන්න.. රාවණන් වගේ නරුමයෙක්ව බැඳගත්තොත් ඔයාගෙ මුලු ජීවිතේම කාලකණ්ණි වෙලා යයි..

ඒ නැතත් ඔයා මොනවාද ඔයාගෙ අම්මාටයි තාත්තාටයි කියන්නෙ..

එතකොට රදීශ්..

ඔයා කොහොමද ආයෙ රදීශ්ගෙ මූණ බලන්නෙ..

ඒ කොල්ලා ඔයාට ආදරෙයි.. මගේ යටි හිත මාත් එක්ක රණ්ඩු කරද්දී මං එයා දිහා රවලා බැලුවා..

"මාව මරලා දාපන් මොකද මගේ හුස්ම තියෙනකම් මං උඹේ වෙන්නෙ නැහැ රාවණන්.." මං කිව්වේ එයාගෙ ඇස් දිහා කෙලින් බලාගෙන වෙද්දී මට උත්තරයක් නොදුන්න එයා කට කොනකින් හිනා වුණා..

"තමුසෙ දුෂ්ටයෙක් රාවණන්.. තමුසෙත් රාවණ වගේම මගෙයි රදීශ්ගෙයි ජීවිත අතරට ආපු දුෂ්ටයෙක්.." හිතට කේන්තියක් දැනෙද්දී මම එයාගෙ ෂර්ට් කොලර් එකෙන් ඇදලා අරන් එයාට ආයෙ ආයෙත් කෑගැහුවා.. ඒත් එයා නෙමෙයි වචනයක් කතා කරේ..

ඒ ඇස් මට සමච්චලේට වගේ හිනා වුණා..

"තිරිසනා.."