ပျင်းနေပြန်တဲ့ကိုယ့်ဆရာ (ဘာသာပြန်)

အခန်း ၃၁။ အကြီးအကျယ်ပျက်စီးမှုကိုဖြစ်စေခြင်း

Myanmar Translation of [师父又掉线了] By [尤前]
ဘာသာပြန်သူ - TJ

အခန်း ၃၁။ အကြီးအကျယ်ပျက်စီးမှုကိုဖြစ်စေခြင်း

ရှန်းရင်က မဟူရာကောင်းကင်ဂိုဏ်းရဲ့ ဝင်ပေါက်နားမှာ ယိချင်းကို လိုက်မှီသွားတယ်။

“ဆရာ တကယ်ပဲကျွန်တော်တို့နဲ့အတူသွားချင်တာလား” ရှန်းရင်ရဲ့ ဒီရုတ်တရက် ဆုံးဖြတ်ချက်ကြောင့် သူ အနည်းငယ်အံ့ဩသွားတယ်။

“အဟွတ် နင်က ငါ့ရဲ့စားဖိုမှူး... တပည့်ပဲလေ”

ရှန်းရင်က သူ့ပခုံးကိုပုတ်လိုက်ပြီး လေးလေးနက်နက် ပြောလိုက်တယ်။

“နင်က အခု အတွေ့အကြုံယူတဲ့ လေ့ကျင့်ရေးခရီးစဉ်သွားမှာဆိုတော့ ငါ နင့်အတွက် စိတ်ပူတာပေါ့”

“ဒါပေမဲ့ ဒါက ကျွန်တော့်ရဲ့လေ့ကျင့်ရေး မဟုတ်ဘူးလေ။ ဒါက ဂိုဏ်းရဲ့ ရိုးရှင်းတဲ့ တာဝန်တစ်ခုလေးပဲ။ သူက ဂိုဏ်းသားတွေကို သတ်မှတ်ထားတဲ့နေရာဆီ လိုက်ပါပို့ဆောင်ပေးပြီး သူတို့ဘေးကင်းဖို့ကို ကြည့်ပေးဖို့ပဲလိုတာ။ ဖြစ်နိုင်တာက...”

အတွေးတစ်ချက်က ရုတ်တရက်ပေါ်လာပြီး ယိချင်းရဲ့မျက်လုံးလေးက လက်သွားပြီးတော့ ရှန်းရင်ကို စိတ်ခံစားချက်ပြည့်နေတဲ့အကြည့်နဲ့ကြည့်လိုက်တယ်။

“ဆရာက ဘယ်လိုတာဝန်မျိုးပဲဖြစ်ဖြစ် အားလုံးက ကျင့်ကြံမှုလေ့ကျင့်ရေးပုံစံတစ်ခုပဲဆိုတာကို သတိပေးဖို့ ကြိုးစားနေတာပဲ။ ဒီတော့ ဒါကို ကျွန်တော်အလေးထားပြီး အပြည့်အဝပြင်ဆင်ရမယ်။ စိတ်မပူပါနဲ့ဆရာ။ ဆရာပြောချင်တာကို တပည့်အပြည့်အဝနားလည်ပါတယ်”

“အား... အဲဒီလိုမဟုတ်ဘူး” ဘယ်အရာမဆို နင့်ကိုပျော်စေတော့တာပဲ။

“မဟုတ်ဘူးလား” ဦးနှောက်ခြောက်သွားတဲ့ ယိချင်းက ခေါင်းငုံ့ပြီး တွေးနေတယ်။ အတော်ကြာ တွေးပြီးတော့ သူ့မျက်လုံးတွေက ပြူးကျယ်သွားပြီး မေးလိုက်တော့တာပဲ။

“ဖြစ်နိုင်တာက ဒီလေ့ကျင့်ရေးခရီးစဉ်မှာ ကျွန်တော့်ရဲ့ကျင့်ကြံဆင့်ကို စမ်းသပ်မဲ့ မူမမှန်တဲ့ ကိစ္စတစ်ခု ပေါ်လာပြီး အဲ့ဒါကိုကျွန်တော်မဖြေရှင်းနိုင်မှာ စိုးရိမ်နေတာများလား”