198
အခန်း ၁၉၈ ။ မျိုးနွယ်ပြောင်းလဲခြင်း
ပိုင်ထီက ချက်ချင်း ရောက်လာတယ်။ နှစ်ရက်အတွင်း သူက သူ့သမီးကိုလာခေါ်တယ်။ သူ နောက်ဆုံးတစ်ကြိမ်တုန်းကနဲ့ အရမ်းကိုကွာခြားသွားခဲ့ပြီ။ ဒီတစ်ကြိမ် သူက အများကြီး အိုမင်းသွားတဲ့ပုံ။ သူ ပိုင်ကျောင်းကို ကြည့်တဲ့ပုံက အရင်ကလောက် ဂရုမစိုက်တော့သလို တန်ဖိုးမထားတော့ဘူးဆိုတာ ပြနေတယ်။ ကြည့်ရတာ ပိုင်ကျောင်းရဲ့ခေါင်းကြောမာတဲ့ဘလုပ်ရပ်ကြောင့် အရမ်းကိုနာကျင်သွားခဲ့ပုံပဲ။
ကူယွဲ့ ထင်ထားသလိုမျိုးပဲ နှစ်ယောက်သား ဝိညာဉ်ပြန်လဲလို့မရခဲ့ဘူး။ ပိုင်ကျောင်းက အပြည့်အဝသက်သာနေပြီး ရွှမ်ထုံ့မူလဝိညာဉ်ကလည်း အပြည့်အဝပြန်ကောင်းသွားပြီ။ ဝိညာဉ်လဲသိုင်းရဲ့ အောင်မြင်နှုန်းက နိမ့်လွန်းတဲ့အပြင် ပစ်မှတ်တွေကို တရားသေထားလို့ ရတဲ့နည်းလည်း မရှိဘူး။ သူတို့ဝိညာဉ်တွေကို လဲဖြိုကြိုးစားရင် ဝိညာဉ်တွေ ပျောက်ဆုံးသွားမှာ စိုးရိမ်ရတယ်။ ဝိညာဉ်စုဝေးမီးအိမ်နဲ့တောင် စွန့်စားနှုန်းက အတူတူပဲ။ မီးအိမ်က ပစ်မှတ်ကို တရားသေ မလုပ်နိုင်ဘဲ လူတစ်ယောက်ရဲ့ မူလဝိညာဉ်ပျောက်မသွားတာသေချာအောင်ပဲလုပ်ပေးတယ်။ ပြောရရင်တော့ လူတစ်ယောက်ရဲ့ မူလဝိညာဉ်က လုံးဝအပြည့်ဖြစ်နေချိန် ဝိညာဉ်လဲမှုအတင်းလုပ်လိုက်ရင် ဝိညာဉ်တွေထဲက တစ်ခုက သေချာပေါက်သေသွားလိမ့်မယ်။
ဟုတ်တာပေါ့၊ ရှင်းဟန်က ပိုင်ကျောင်းနဲ့ ဟွေ့လင်ဝိညာဉ်တွေကို လဲဖို့တွေးခဲ့ချိန် ပိုင်ကျောင်းအသက်ရှင်မယ်လို့ သူမထင်ခဲ့ဘူးပဲ။ အဲဒါကြောင့် အဲကိုယ်ထဲမှာ ပိုင်ကျောင်း ရှိမနေမှန်း သိသွားတာတောင် ဝိညာဉ်လဲဖို့ကို ဆက်လုပ်ချင်နေခဲ့တာပဲ။ ရွှမ်ထုံ ဒါကိုသိသွားချိန် သွေးပျက်သွားခဲ့တယ်။ ဘုရားမတာပဲ ဂိုဏ်းချုပ်က သူမကိုမှတ်မိတာ ဘုရားမတာပဲ။ မဟုတ်ရင်...။
ရုတ်တရက် သူမ ခံစားချက်တွေပြည့်လျှံသွားခဲ့တယ်။ သူမ ရှန်းရင်အခန်းထဲ တိတ်တိတ်လေးဝင်ပြီး အာလူးတွေ၊ ကန်စွန်းဥတွေ၊ လတ်ဆတ်တဲ့ပန်းတွေနဲ့ တခြားပူဇော်ဖွယ်တွေ ဖြည့်လိုက်တယ်။
YOU ARE READING
ပျင်းနေပြန်တဲ့ကိုယ့်ဆရာ (ဘာသာပြန်)
Humorအကျဉ်းချုပ် တစ်လောကလုံးမှာ ယိချင်းသာလျှင် အတော်ဆုံးသော ဓားသိုင်း ကျင့်ကြံသူဟု လူတိုင်းက ဆိုကြသည်။ တုနှိုင်းမဲ့ဓားသိုင်းပညာနှင့်၊ မည်သူမျှ မကျော်လွန်နိုင်သော အတွင်းအားအရာကို ပိုင်ဆိုင်ထားသူ။ အောက်ဘုံ၌ ကျင့်ကြံခြင်းအရာမှာပင် ဖြစ်စေ၊ အထက်ဘုံ၏ နတ်ပြည်ဆ...
