89
အခန်း ၈၉ ။ မိစ္ဆာကျင့်ကြံခြင်းစေတီ
"မင်းရူးနေပြီပဲ" ကူယွဲ့ ယိချင်းကို ဒေါသတကြီး ကြည့်လိုက်တယ်။
"ဒုတိယထပ်ကဘယ်လိုမျိုးလဲဆိုတာ မင်းကိုယ်တိုင်မြင်ခဲ့တာပဲ၊ အဲမှာ ဘာတွေနဲ့ရင်ဆိုင်ရမလဲဆိုတာ ဘယ်သူသိမလဲ"
"အဲဒါကြောင့်... ကျွန်တော် တစ်ယောက်တည်းသွားမှာ" ယိချင်းက လူအုပ်ကို စစ်ဆေးပြီး လျင်မြန်စွာပျောက်ကွယ်နေတဲ့ ကျက်ရိုင်းမြေကို ဟိုဟိုဒီဒီကြည့်ကာ အသံတိုးလိုက်တယ်။
"ဒီအဆင့်က ပျောက်စပြုနေပြီ၊ စေတီက ကျွန်တော်တို့ကို ဒီအဆင့်မှာ ရှိနေခွင့်ပြုမှာမဟုတ်တာ သက်သေပြနေတာပဲ၊ ပြန်လှည့်လမ်းမရှိဘူး၊ နောက်ထွက်ပေါက်ရှိလား ကျွန်တော် တက်ကြည့်မယ်၊ တကယ်လို့ အန္တရာယ်များတဲ့နေရာမဟုတ်ရင် ကျွန်တော် အသိပေးပြီး ခင်ဗျားတို့တက်လာခဲ့၊ တကယ်လို့..." ယိချင်းက ရပ်သွားတယ်။
"ခင်ဗျားတို့စောင့်လို့ရသမျှထိစောင့်၊ မရတော့မှတက်လာခဲ့၊ ကျွန်တော်တို့ ထွက်လာတာကြာပြီပဲ၊ ဆရာက သေချာပေါက်လာမှာ"
"..." ကူယွဲ့ မတုံ့ပြန်မိတော့ဘူး။ ဒါက တကယ်ကို တစ်ခုတည်းသောနည်းလမ်းပဲ။
ယိချင်းမျက်လုံးပိတ်လိုက်တယ်။ တစ်ပြိုင်နက်တည်း ခရီးသွားမသေမျိုးရှစ်ယောက်ကို ရင်ဆိုင်ရတာက သူ့ကိုအားမရှိတော့စေသလောက်ပဲ။ တစ်နာရီနေတော့ သူမျက်လုံးပြန်ဖွင့်လိုက်တယ်။ ဘေးက သွေးစွန်းနေတဲ့ ဓားကိုကောက်ယူပြီး တတိယထပ်ဆီ တက်ခဲ့တော့တယ်။
သူ နောက်ဆုံးအထပ်ဆီ တက်လာလေ သူ့ရှေ့ကမြင်ကွင်းကပြောင်းသွားလေပဲ။ သူ ပထမနဲ့ဒုတိယထပ်မှာ မြင်ခဲ့ရတဲ့ ကျယ်ပြန့်တဲ့နယ်ပယ်က ကျဉ်းကျုတ်တဲ့နယ်ပယ်အနဲ့ အစားထိုးသွားခဲ့တယ် - အထဲကတော့ ကျောင်းဆောင်တစ်ခုနဲ့တူတယ်။ ဝိညာဉ်မီးတောက်တွေက သူ့ကိုဝိုင်းထားပြီး သူ့ခြေဖဝါးအောက်မှာတော့ နေရာရွှေ့ပြောင်းအစီအရင်က သူ့ခြေဖဝါးအောက် ရောက်နေတယ်။ လူငါးယောက်ကတော့ ခန်းမအလယ်ရဲ့ စင်မြင့်ပေါ်မှာ နေရာယူထားကြတယ်။
"တတိယအဆင့်မှာ ဘယ်သူ့ကို မြင်ရမလဲသိချငိနေတာ၊ ဒါက အဲဒီမိစ္ဆာမနောက်ကို လိုက်နေကျတစ်ယောက်မလား" အလယ်ကတစ်ယောက်က ထူးဆန်းတဲ့လေသံနဲ့မေးတယ်။
YOU ARE READING
ပျင်းနေပြန်တဲ့ကိုယ့်ဆရာ (ဘာသာပြန်)
Humorအကျဉ်းချုပ် တစ်လောကလုံးမှာ ယိချင်းသာလျှင် အတော်ဆုံးသော ဓားသိုင်း ကျင့်ကြံသူဟု လူတိုင်းက ဆိုကြသည်။ တုနှိုင်းမဲ့ဓားသိုင်းပညာနှင့်၊ မည်သူမျှ မကျော်လွန်နိုင်သော အတွင်းအားအရာကို ပိုင်ဆိုင်ထားသူ။ အောက်ဘုံ၌ ကျင့်ကြံခြင်းအရာမှာပင် ဖြစ်စေ၊ အထက်ဘုံ၏ နတ်ပြည်ဆ...
