කාළි [Completed]✅

24📖️

වසර විස්සකට පෙර....

"මචං සතියා.."

හේෂ් යන්න ගියාට පස්සෙ ප්‍රිෆෙක්ට් රූම් එකට වෙලා කල්පනා කරපු මං දස්සාගෙ කටහඬින් හැරිලා ඌ දිහා බැලුවාත් බලපු පළවෙනි බැල්මෙන්ම ඌ ඉන්නෙ බය වෙලා කියලා මට තේරුණා..

"මොකෝ බං.. උඹ යකෙක්වත් දැක්කාද.."

ඌ අතින් නළලෙ දාඩිය පිහිදාන ගමන් මගේ දිහා බලද්දී කලිසම් සාක්කු වලට අත් දාගෙන ඩෙස්ක් එකකට හේත්තු වෙලා ඉදපු මං ඌ දිහා බැලුවේ ඇහිබැමක් උඩට උස්සලා..

"අපි හිතලා නෙමෙයි බං එහෙම කරේ.."

"හරි දැන් මොනවාද උඹලා හිතලා නොකරේ.. කියන දෙයක් තේරෙන්න කියපන්කො වටේ යන්නෙ නැතුව.."

මං නොරිස්සුමෙන් අහද්දී ඌ මගේ ඇස් මගඇරියා..

"බං හේෂ් අයියා.. අපි.. අපි මේ.."

හේෂ්ගෙ නම ඇහුන ගමන් මගේ හිත ගැස්සෙද්දි මම දස්සා ළඟට ගිහින් උගේ ෂර්ට් එකෙන් ඇදලා ගත්තා..

"හේෂ් කොහෙද.."

"අහපන්කො බං.."

"උඹලා මොකක්ද කරේ කියපන්.. කෝ දැන් හේෂ්.."

"මචං මේ.. අපි.."

"මගෙ මාරයා අවුස්සගන්නෙ තොපි මගෙ කොල්ලාට මොකක්ද කරේ කියපන් යකෝ.."

මගේ ඉවසීමේ සීමාව පනිද්දි මං කේන්තියෙන් දස්සාට කෑගැහුවා..

"මුලින් ගිහින් එයාව බලපන්.. එයාට මේ වෙලාවෙ උඹව ඕන.."

"කොහෙද.."

"පහළ කෙලවරේම තියෙන 10 C එ....."

දස්සා කියලා ඉවර වෙන්නත් කලින් මම ක්ලාස් එකෙන් එළියට දිව්වෙ මගේ පපුව වේගෙන් ගැහෙද්දී.. කොච්චර මම එයාට ආදරේ නෑ කියලා හිත රවට්ටගන්න හැදුවාත් පොඩ්ඩ එහා මෙහා වෙද්දී මං එයා ගැන බය උනා වගේම එයා මගේ කියලා අයිතිවාසිකම් කිව්වා..