කාළි [Completed]✅

මතකාවර්ජන 03📖️

"ඇයි මෙහෙම කරන්නෙ.. ඔයා.. ඔයා මට කැමතියිද..."

එයා මගෙන් ඇහුවේ මම මේ වෙලාවෙ කොහොමටවත් එයාගෙන් බලාපොරොත්තු නොවුන ප්‍රශ්නයක් උනාත් සුපුරුදු විදිහට මම ආයෙත් එයාට හිනාවක් දුන්නා..

"මෙහෙම කරන්න ආදරේ වෙන්නම ඕනද.. සමහර පිරිමි ඉන්නවා තමන්ට අයිති නැතත් තලලා පොඩි කරන්නෙ නැතුව බාඳුරා මලක් උනාත් හරි ලස්සනට පරිස්සම් කරන.."

මිහිනුට හිනාවක් දීලා එහෙම කියපු මම එයාගෙ කොණ්ඩගස් අතර රැඳිලා තිබිලා කම්මුලට වැටුන වතුර බිංදුවක් මාපටැගිල්ලෙන් පිහදැම්මා..

"යන්න දෙන්න වෙනවා කියලා දැන දැනම නෙලුම් කොලයක් උඩට වැටෙන වතුර බිංදුවක් වෙනුවෙන් අඬන්න තියාගන්න එපා ළමයෝ.."

ඇඟිල්ල උඩ තැවරුණු වතුර බිංදුව දිහා බලාගෙන මම කියද්දී මට දැනුණා එයාගෙ ඇස් මගේ දිහාට වැටිලා තියෙනවා..

"මොකද ම්හ්.."

"ඔයා වගේ කෙනෙක් මට මීට කලින් හම්බවෙලාම නෑ.. ඔයාගෙ අදහස් හැඟීම් හුඟාක් වෙනස්.. හරියට...."

"හරියට..? කවුරු වගේද..??"

"ෆැන්ටසිය අස්සෙ හිර වෙලා ඉන්න නිවුන ආදරණීය ප්‍රේමවන්තයෙක් වගේ.."

එතනින් එහා එයාගෙයි මගෙයි ඇස් තත්පර ගානකට එකට යාවෙද්දි මාපටැගිල්ලයි දබරැඟිල්ලයි එකතු කරලා මං එයාගෙ නළලට පාරක් ගැහුවේ එයා නළල අතගාන ගමන් මට රවද්දී..