NEMO: Ay...di hindi na rin kami jo-join kung ganun.
VANGIE: Oo nga. Nahiya naman kami kasi kung tutuusin sabit lang kami.
LUANA: Hindi naman sa ganun.
NEMO: Ganun yon, girl. Ngayon, kung talagang gusto mong mag-back out, kami din magba-back out na rin. Nakakahiya naman sa kanila lalo na kay Sir Brent kasi idea niya to lahat para sayo.
LUANA: Oo na, oo na. Hindi na.
Magkakatingina ang dalawa sabay ngiti.
LUANA: Kinonsensya pa ko. Basta wag lang uulit yong unggoy na yon dahil hindi ako magdadalawang isip na sipain siya 'dun'.
VANGIE: Awtsu! Ansakit nun. Gagawin mo talaga yon?
LUANA: Ano sa tingin mo?
NEMO: Sows! Sige para makatikim ka ulit sa kanya. Di ka pa nagtanda.
LUANA: Hay ewan. (maaalala nito ang paghapit sa kanya ni Randel sa may beywang) Haist! Bwisit talaga siya. Bwisit! Bwisit!
Magkakatinginan uli sila Nemo at Vangie sabay ngiti.
NEMO: Okay, okay, wag na init ulo. Teka, ano bang hinahanda niyo?
VANGIE: Empanada!
NEMO: Wow! Sali ako!
VANGIE: Sige, sige.
NEMO: Hugas lang ako ng kamay.
LUANA: Handa na yong mga sahog para sa filling, ito na lang dough ang gagawin natin.
NEMO: Oh...masa-masa! Gusto ko yan.
LUANA: Teka, ano yan? (nakatitig ito sa mukha ni Nemo)
NEMO: Ang alin?
LUANA: Yan o. (ituturo nito ang mukha ng kaibigan)
NEMO: Bakit? Anong meron?
LUANA: Yan o...(aabutin nito ang mukha ni Nemo at idadampi ang mga kamay na namumuti sa harina sabay ngiti) Ito pa...
NEMO: A...ganun? Ikaw din naman e. Ito sayo...(papahiran ng harina ang mukha ni Luana)
Matatawa lang si Vangie na nakamasid sa dalawa.
NEMO: At ikaw, tatawa-tawa ka pa diyan. Tuwang-tuwa ka sa amin. Ang lagay ba niyan e kami lang ang meron. Dapat ikaw din.
LUANA: Oo nga.
Agad na iiwas si Vangie pero hahabulin ito ng dalawa.
VANGIE: (nasa may tapat ito ng pintuan) Isa! Wala akong ginagawa sa inyo.
NEMO: One for all, all for one to. Kaya lika dito.
LUANA: Come here, baby! (sabay saboy ng harina)
Pero agad na makakailag si Vangie. Sakto namang papasok si Laiza kaya ito ang masasabuyan......sa mukha.
LAIZA: Punyeta!! Anong ginawa mo?
LUANA: Oh my God, sorry...sorry... (pupunasan si Laiza) Ano kasi...si...si Vangie dapat yon...sorry...sorry talaga. Di ko sinasadya na ikaw—
LAIZA: (nanlilisik ang mga mata nitong nakatitig kay Luana) Hindi sinasadya? Sa tingin mo hindi mo sinasadya to? Ganito ba ang hindi sinasadya ha? (advances)
