Samantala, pagkaalis ni Randel, lalabas si Luana papunta sa may pool area. Iiwan muna nito ang anak kay Helen.
Ilang saglit pa, darating sila Nemo at Vangie.
NEMO: Okay lang ba na samahan ka namin dito?
Tango ang itutugon ni Luana.
VANGIE: Anong nangyari?
NEMO: Ay, teh, ano bang klaseng tanong yan?
VANGIE: Nagtataka lang ako kasi parang pers taym na umalis si Sir pagkatapos nilang mag-away.
NEMO: Kung ano man ang dahilan, wag mo ng alamin. Sa kanilang mag-asawa na yon.
By then, mapapansin ng dalawa ang pagyugyog ng mga balikat ni Luana at ang paghikbi nito. Agad na lalapitan ng dalawa ang kaibigan at yayakapin.
NEMO: Shhhhh...wag ka ng umiyak.
LUANA: Ang sama-sama ko na ba?
NEMO: Hindi...wag mong sabihin yan.
LUANA: I think...I think I've gone too far this time.
VANGIE: (kakalabitin si Nemo then mouths) Ano daw?
Panlalakihan lang ng mata ni Nemo ang kaibigan as if telling her to keep quiet.
NEMO: Kung sa tingin mo ikaw ang nagkamali or nagkulang this time, alam mo na siguro ang gagawin mo.
Hindi makakasagot si Luana.
NEMO: Friend, wala namang masama kung hihingi ka ng sorry sa asawa mo. Hindi naman pwedeng lagi na lang siya ang magpapakumbaba. Kailangan, paminsan-minsan, ikaw din. Alam mo yan.
VANGIE: Oo nga, sang-ayon ako diyan.
LUANA: Tama nga kayo. Sige, mamaya pagbalik niya...I'll do that.
VANGIE: Yay! Magbabati na sila!
LUANA: Sana tanggapin niya.
NEMO: Ano ka ba? Siyempre naman no. Si Sir pa. Baka kiligin pa yon ng bonggang-bongga.
VANGIE: Baka mahalikan ka kamo ng wala sa oras.
LUANA: Subukan lang niya, sapak talaga aabutin niya.
VANGIE: Ay, grabe naman to. Ang bayulet mo.
LUANA: Violet?
VANGIE: Bayulente! Ano ba, di mo alam yon?
NEMO: Violent yon uy.
VANGIE: Ay akala ko bayulet din tawag. Pasensya na, tao lang na ganda lang ang meron.
NEMO: Tse! Maghulos-dili ka nga sa sinasabi mo. Kilabutan ka uy.
VANGIE: (matatawa) Pero di ba, may konek din naman? Kasi magkukulay bayulet mga pasa ni Sir pag sinapak nitong lola mo.
Sabay na magtatawanan ang dalawa.
LUANA: Hindi lang violet, sisiguraduhin kong itim talaga.
NEMO: Ay, lagot si Sir diyan. (magseseryoso) Girl, pwedeng magtanong?
LUANA: Nagtanong ka na.
NEMO: Seryoso ako.
LUANA: Okay, ano po yon?
