GELAI: (pabulong kay Luana) Girl, kamukhang-kamukha talaga niya ex mo no? Para lang siyang Lander na medyo rugged tas pinahaba ang buhok.
MINNIE: Malamang kasi identical twins sila, di ba?
GELAI: Alam ko pero—(matitigilan dahil sa biglang paglungkot ng mukha ni Luana) Ay...sorry...gumana na naman kadaldalan ko. Bad Gelai. (marahang tatampalin ang sariling bibig)
LUANA: (manipis ang ngiti) Ayos lang.
MINNIE: Okay, change topic. Grabe, friend, na-miss ka namin ng bongga!
GELAI: True! And, yes, totoo ka nga! Buhay na buhay!
LUANA: Ako din naman, super na-miss ko din kayo. Grabe! Ang saya-saya ko. Akala ko di ko na ulit kayo makikita. (she's misty-eyed again)
MINNIE: Yon din akala namin.
LUANA: Kumusta na kayo? Ang Del Royal, kumusta na?
GELAI: Ito pretty pa din just like before. Ang Del Royal, yon pa din, maalat pa din dagat niya.
LUANA: Baliw!
MINNIE: At ako naman... (ngiting-ngiting itataas ang kaliwang kamay kung saan nakasuot ang isang gintong singsing)
LUANA: Oh my gosh! Kelan pa?
MINNIE: Last year.
HELEN: At ninang ako!
LUANA: Wow! Pero...sayang di ko na-witness.
GELAI: Ay akala ko sasabihin mo, "sayang, naunahan mo ko".
LUANA: Baliw!
GELAI: Pero okay lang, girl. Mauunahan mo naman siyang magka-tsikiting.
LUANA: Ay, wala pa rin ba?
MINNIE: Baka next year, pagbalik niya.
LUANA: Pagbalik?
HELEN: Seaman kasi ang napang-asawa niya.
LUANA: Oh, I see. Sana hindi seamanloloko. Baka pag nasa barko na yon, binata na ulit.
MINNIE: Ay, subukan lang niya kung gusto niyang maputol kapitan niya.
GELAI: Hoy, ano ka ba? May bata. (sabay sulyap kay Badong)
MINNIE: Ay, sorry naman.
LUANA: Teka, maiba ako. Kumusta pala ang biyahe niyo papunta dito?
HELEN: Ayos naman, anak. Asikasong-asikaso kami ng mamanugangin ko.
LUANA: Nay...
BADONG: Totoo, Ate. Sobrang bait ni Kuya Randel.
LUANA: Tss! Isa ka pa.
HELEN: Luana, anak, hanggang ngayon pa ba—
LUANA: Nay, ayoko po munang pag-usapan yan.
HELEN: Okay.
Pagdating ng gabi...
Sa isang kwarto matutulog sina Minnie at Gelai ganun din si Badong. Pero bago magsipuntahan sa kani-kaniyang kwarto, magkukwentuhan muna ang lahat sa may malaking sala maliban kay Randel na mananatiling nasa itaas, nakadungaw lang sa kanila.
