VANGIE: Hoy, ano na naman ba yan? Ikaw ha.
NEMO: Hindi. Ano kasi, nagtataka lang kasi ako kung anong ginagawa ni Sir dun sa kwarto niyo.
VANGIE: (mapapaisip) Oo nga no.
NEMO: Bakit siya pupunta dun at bakit kailangan pang itaon na wala tayo o kaya ikaw?
VANGIE: Oo nga no.
NEMO: Kung may sasabihin man siya, pwede naman na niya itong sabihin pag nasa farm sila o di kaya ipatawag na lang niya ito.
VANGIE: Oo nga no.
NEMO: Heh! Wala ka na bang ibang alam na sasabihin maliban sa 'oo nga no'?
VANGIE: Ano ka ba? Ibig sabihin, pareho lang tayo ng iniisip.
NEMO: Naiisip mo nga ba talaga ang naiisip ko?
VANGIE: Ang alin?
NEMO: Kita mo na.
VANGIE: Ano ba kasi yon?
NEMO: Wala. Wag na, wag mo ng alamin. Ang hina mong pumick-up. Bahala kang mag-isip diyan.
VANGIE: Ito naman. Ikaw nakakaasar ka. Magsasabi-sabi ka tas di mo rin pala itutuloy.
NEMO: Saka na lang. Basta, kukuha muna ako ng ilan pang matitibay na ebidensya para mapatunayan ko tong mga hinala ko.
VANGIE: Hinala?
NEMO: Shhh...yang boses mo. Baka may makarinig sayo.
Ang hindi alam ng dalawa, kanina pa nakikinig sa kanilang usapan si Laiza na nakakubli lang sa isang lugar malapit sa kanila.
LAIZA: Hmm...hinala pala ha. Mukhang tayong dalawa Nemo ang pareho ng iniisip at hinala. Kailangan malaman ito ni Ma'am Brenda. (aalis para tawagan ang nasabing dalaga)
Sunday...
LUANA: Anong gagawin natin ngayon?
NEMO: Magpahinga ka na lang. Kaya naman na namin yong mga trabaho dito.
VANGIE: Oo nga. O kung gusto mo, doon ka na lang sa garden.
LUANA: (kunwari nagtatampo) Teka, e sa kayo ang gusto kong makasama e. Ayaw niyo ba? Ngayon ko nga lang ulit kayo makakasama ng matagal-tagal e. Hindi niyo ba ko na-miss? Kasi ako, super na-miss ko kayo.
VANGIE: Aysus! Nagtampo ang bata. Hindi naman sa ganun. Hindi rin kasi biro yong trabaho mo sa farm. Ikaw lang ang inaalala namin.
LUANA: Mas gusto ko na may ginagawa kasi ako. Boring kasi pag ako lang mag-isa. Gusto ko kasama ko kayo para lagi akong masaya at nakatawa.
NEMO: A ganun? So ang tingin mo sa amin, mga payaso?
LUANA: Ito naman. Siyempre hindi. Alam niyo naman na (pakanta) you brighten my days giving me inspiration.
NEMO: (mangingiti) Ewan ko sayo. Bahala ka na nga.
LUANA: So, saan tayo?
VANGIE: Ako sa pool.
NEMO: Ako sa may garahe. O, pili na!
LUANA: Okay. Ganito na lang. Bato-bato-pick na lang kayo. Kung sino panalo, doon ako.
