RANDEL: (whispers) Mommy, andito na ko. (repeatedly kisses her on the head)
LUANA: So what? Bitiwan mo nga ako.
RANDEL: Love, boses mo...baka magising si baby.
LUANA: Anong magising? Gising na gising pa po siya no.
Agad na bibitiwan ni Randel si Luana at pupunta sa may harapan nito.
RANDEL: Aba, totoo nga! Gising na gising pa ang Zeo ko. Na-miss mo daw ng sobra si daddy, 'nak?
Hahalik na sana ito sa bata pero bigla itong ilalayo ni Luana.
LUANA: Hep! Hep! Kadarating mo lang.
RANDEL: Ay grabe naman. Hahalik lang e.
LUANA: Hindi nga pwede.
RANDEL: O sige, di pwede kay baby, e di kay mommy na lang. (sabay nguso)
LUANA: Tumigil ka nga. Umayos ka ha.
RANDEL: Ba't ba ang sungit mo? Di ka ba masaya na andito na ko?
LUANA: (tataasan ng kilay ang asawa) What do you think?
RANDEL: Teka, meron ka ba or dinadaan mo lang ako sa galit-galitan mong yan kasi nagpumilit akong bumalik at tumuloy despite of the bad weather? Na ang totoo, alalang-alala ka na talaga para sa akin.
LUANA: Shut up! Mukha mo. Wala akong pake kung anuman ang mangyari sayo no.
RANDEL: Talaga? E ano yong sinabi sa akin kanina na may isang tao daw dito ang di mapakali since this morning nang malaman na nasa daan na ko?
LUANA: Si nanay yon uy.
RANDEL: Eh? Ano yon, sarili niya tinutukoy niya?
LUANA: Baka si Vangie or si Nemo o kaya si Badong.
RANDEL: E yon din ang sinabi nila sa akin e.
LUANA: Luh? Ano, nakausap mo silang lahat, ganun?
RANDEL: Oo, kanina, pagkarating ko. (tila nang-iinis ang ngiti nito)
LUANA: At naniwala ka naman.
RANDEL: Bakit naman hindi? Pare-pareho sila ng sinabi.
LUANA: Tss! (sabay irap)
RANDEL: Hindi mo man lang ba talaga ako na-miss? Kasi ako super...as in super na-miss ko kayo ni Zeo. Kung pwede lang talaga akong bumalik agad dito first day pa lang.
LUANA: Wag ka ngang OA. Five days lang yon tas kung makatawag ka pa, wagas...unlimited.
RANDEL: Oo nga wagas at unlimited, pero ni isang beses di man lang kita nakausap—no—correction, di mo ko kinausap. Kahit sa video call ilag ka o di kaya puro irap nakuha ko sayo.
LUANA: Wala nga kasi akong pakialam. At isa pa, ayoko kasing sakyan yang ka-OA-han mo.
RANDEL: OA? Ang tawag dun love. Tsaka hello? Five days po yon. Five days! Almost a week, kaya wag mong lang-langin. Isang araw nga lang na mawaglit ako sa inyo, parang ang tagal na, what more pa kaya ang five days?
LUANA: Hay, ang OA talaga. Dami pang sinasabi. Labas ka nga muna.
RANDEL: Grabe naman, kadarating ko lang.
LUANA: Patutulugin ko na kasi to. At hangga't naririnig niya yang boses mo, hindi to matutulog.
RANDEL: Na-miss niya kasi ako. Di ba Zeo ko?
