ناضوا كامل يلوموا فيا لي يهدر يقولي علاه مقولتيليش يحسابوها حاجة ساهلة وين كنت علابالي أنا أصلا بردة فعلهم كيفانش راح تكون فاتت ساعة زوج ثلاثة من لي خرجوا واحد فيهم ما رجع لا اصيل لا مسلم لا مروان وسيم . مرت خالي حاكمة قلبها كل دقيقة تقول قلبي مراهش مطمني كاين حاجة صرات قلبي خبيري يكون اصيل دار حاجة علابالي بيه ولدي ونعرفو مستحيل يفوتها . سكتتها مرت خالي الوسطاني قتلها مش غير ولدك لي مراهش هنا. ، وعندو الحق لي يديرها عندو الحق يجي واحد خامج. من نعرفلو اصلو من وين يتمسخر بنتنا ونسكتولو وين صرات هادي . بقيت نشوف حايرة في خلق ربي هاذي من وقتا تهدر عليا هكا .قاتلها يمات اصيل لالا يا اختي أنا علابالي بيه اصيل ولدي مهبول يدير كلش وراح ضربوا ومات مش. راح عمرو في الحباس . قالتها كون حكيتيلو من لول منصلوش لهاد لمواصل الطفلة تشوفي فيها رايحة في طريق العوجة تفاهمتو عليها انا صح المرة لولة كنت منيش حابتهم يبقاو هنا بصح من عاشرتهم يشهد ربي عدت مدايرتهم من بناتنا طفلة صغيرة تخلي واحد يتمسخر بيها أنا منيش بزوج وجوه ، نقولهالك ديراكت علابالك بولدك كان شاتيها وقالك راهي على عينك تروحي ديري الشي لي درتيه علاه علاه مش حرام عندو الحق اصيل كي قال لقيتوها صغيرة ويتيمة لعبتو بيها حتى كرهتوا . تصدقو قاستني بكلامهما يعني كان منيش صح يتيمة ووحيدة واحد ما يوصلني بشعرة . سكتوا شوي حتى دخل وسيم كانوا قاعدين عندي . ناضت مرت خالي تجري عندو قاتلوا وين راهم خوتك علاه جيت وحدك. قالها هزوهم الجدارمية قاتلوا يا شومي علاه راني قتلكم من قبيل بلي حاسة حاجة صرات . قالها لحقنا اصيل لقيناه في نص حومتوا حاطوا بين رجليه يحوس يذبحوا بسيف ما فكينالوا الموس من يدو بصح قطعوا من رقبتوا وقطعوا من يدو راه كوما والجيران مين شافوا الحالة تخلطت هكاك عيطوا للجدرميا هزونا كامل ، الباقي دوك يطلقوهم بصح اصيل مشكيتش. يطلقوه الطفل حالتوا قالوا دونجي بالزهر ادا يمنع . ناضت مرت خالي تندب راني قتلكم ولدي يديرها كنت علابالي بيه شفتوا علاه كنت مخبيه عليه يا ربي ولدي ضاعت حياتوا أديني عندو نشوفو . قالها ما عندك وين تروحي راه. ممنوع الزيارة حتى نشوفو نديرولو محامي . قعدت تندب أنا غير ساكتة ودموع يهبطوا وش راح نهدر كلشي بسبابي . شوي جا مسلم ومروان حالتهم بالدم مبهدلة . غير اصيل لي حكموه بيسك هو لي ضربوا . قاتلهم مرت خالي ، علاه خليتوه يضربوا علاه ياك قتلكم الحقوه ولالا كنت علابالي بيه يدير جريمة قالها مروان كيفاش علاه خليناه يضربوا ، كنتي تحوسينا بعد لي دارو في بنتنا ونخلوه علاه طحاحنا حنا زهرو في اصيل لي نحروا سينو اقسم بربي نعذبه من هنا على خمسة سنين وميبردش قلبي . قدم عندي مسلم قعد قدامي مسحلي دموعي قالي علاه راكي تبكي صاي دوك كلشي فات . قتلوا شوف بسبابي وش صرا قالي هاد الشي كان لازم يصرا كي خطفك كون حكيتلينا من اول مناش هكدا . لازم يخلص وش دار واحد ما قالوا يدنى ليك . كنت بسيف نهدر قتلوا واصيل . قالي حتى بعد لي دارو فيك هذاك ثاني راكي تسقسي عليه خلي ر## الحبس يأكلوا ، قوليلي انتي صح صورك كي كان خاطفك .درتلوا براسي ايه قالي وكان يهددك بيهم في ميساج ولا غير في هدرة برك قتلوا مرة وحدة هدرلي عليهم في ميساج قالي مزال عندك ولا سبروميتبه قتلوا مزال . قالي مليح معليش ، لكان مات راه ربي رحمو من العذاب لي راه يستنى فيه في الحبس ادا مخليتهش يتزوجو بيه منيش مسلم . فاتت ثلاث ايام اصيل عند الجدرميا وهذاك في الكوما بين الحياة والموت . ريان كل يوم تجي عندي تداويني بيسك سيرتو في وجهي بقات جرح بين فمي وخشمي وديرلي السيروم بليكالموا . مسلم من يجي نسقسيه على اصيل يقولي فيها خير مدام رانا في دومان يخرج بيسك عدنا الدليل بلي كان خاطفك وتهديد والابتزاز يعني مطول ولا مقصر يخرج يخرج
