خرج من عندو دخلت لشمبرتي لقيت اسمهان قاعدة قتلها وش كاين قاتلي شفتك دخلتي لشمبرتوا وش هدرتنا قتلها علاه تسقسي . ضحكت قاتلي وشبيك تقلقتي سقسيت برك متكونيش برك بلي مزلت عندي حاجة من ناحيتوا كوني مهنية خرجتوا من راسي صح كان يعجبني بصح انتم تحبوا بعضكم علاه أنا نوقف بيناتكم . تنهدت قتلها بصح ما بقا بيناتنا حتى حب راح يشوف فيا منليقش بيه بعز وش صرى بالاك راه يحشم بيا شكون يقبل بوحدة كيما أنا . قدمت عندي عنقتني قاتلي علاه شا خصك انتي لالة لبنات وين يلقى وحدة كيفك شوفي زينك . قتلها الزين وحدو ما عندو وين يوصلني هو يحوس على وحدة عفيفة نضيفة تجيبلى ولاد وتصونو . قاتلي علاه انتي راكي تشوفي في روحك مش عفيفة لي صارلك كامل بسبابنا أنا لولة نتحمل مسؤولية وش صرالك كان مش حنا راكي كي وردة ، معليش تقدري تبداي من لول أنا نكون معاك في اي خطوة ديريها . قتلها حاليا راني باغية نرقد من هنا لغدوة ونقرر وش ندير . قاتلي معليش الليلة نرقد معاك . رقدنا في سرير واحد كيما كنا نديرو بكري . في ليل نسمع فيها تقولو وش راك دير هنا اصيل في هاد الوقت قالها معلاباليش بلي راكي راقدة هنا سينو مندخلش قاتلوا أنا متدخلش وهيا تدخل عليها في نص ليل نورمال علاه قالولك راهي مرتك وعاقد عليها قالها مدخلين روحك في حاجة متخصكش ، قاتلوا كيفاه متخصنيش اختي هادي تدخل عليها هكدا بالاك راهي عريانة تجيك نورمال هاذي . قالها ايه نورمال انتي وش دخلك . قاتلوا اخرج اخرج لا نعيط و نلمهم عليك . قالها مرانيش ناسي وش درتي حسابك مزال ، درك كملي خيرك وعسيها متخليهاش وحدها قاتلوا علابالي أنا نتهلا فيها انت اخرج برك . سمعتوا فتح الباب وخرج دارت عندي اسمهان قاتلي شفتي العاشق الولهان داخل بعد نص ليل باغي وقيل يشوف لمخبي .تبسمت احشمي اسمهان قاتلي علاه نحشم زعما جامي باسك ولا شاف حاجة هكا ولا هكا والله صح جوليا مراكيش تشوفي فيه كيفاش هابل عليك وانتي تقوليلي مراهش باغيني قوليلي راه زعفان نقولك ايه باين حاجة كيما هادي تغيضو وتجرحو . قتلها وواش ندير .قاتلي رضيه ، انتي عندك درك نقطة ضعفوا تقدري تستغليه كيما تحبي . قتلها وش هيا نقطة ضعفوا . قاتلي في رأيك علاه جا عندك درك ،باين باه يطمن عليك يعني نقطة ضعفوا انك مريضة .تفكرت قتلها صح قبيل كي شافني نبكي جا عنقني عطاني دوا حتى حبست باه بعد عليا. قاتلي شفتي قتلك درك وين تشوفيه العبيها استمرضي قداموا دوخي ولا معلاباليش العبيها طلعي في روح . ضحكت انتي واله مش ساهلة قاتلي كان أنا منك ندير فيه رايي على الضرب لي ضربهولك هذاك النهار . شبعت ضحك هذيك ليلة معاها كان تمدلي في نصائح كيفاش ندير حسيت روحي صح رجعتلي اختي تاع بكري لي كنا كل ليلة حكايات وضحك . رقدنا مع الفجر نضنا على العشرة مدوخين أصلا كون مجاتش ريمة نوضتني بيسك ريان جات مش راح نوض . رحت غسلت ليوم نحي الخيط لي في وجهي لبست حوايجي وهبطت ملقيتهاش في صالة تستنى فيا كيما موالفة قالولي في البيرو تاع خالي وحيد دخلت لقيت اصيل قاعد معاهم سلمت عليها وقعدت . قاتلي وش حوالك قتلها لباس الحمد الله قاتلي الحمد الله جيت نحيلك الخيط وعندي هدرة مذابيك تفهميني ياك ، أنا قبل ما نكون طبيبتك راني كيما اختك وتهمني مصلحتك . قتلها ايه علابالي بصح الخير وش راح تقولي . قاتلي جوليا متقدريش تكملي هكدا لازملك تدخلي لمصحة مكافحة الادمان. سكتت وشفت معاهم قتلها علاه بصح ياك راني لباس عليا دركا ياك سمانتين كامل فاتوا وماصرالي والوا . قاتلي سمانتين فاتوا بالمهديئات كان مش راكي تشربي فيهم راكي خرجتي على عقلك .شفتي لبارح وش صرالك راه حكالي اصيل هذا غير روطارديتي دوا ساعة مقدرتيش تتحكمي في روحك . شفت معاه دور وجّهوا . قتلها بصح نقدر هنا في دار نرتاح علابالي بروحي نقدر كي مزال برك مجربتش . قاتلي مستحيل جوليا في حالة تاعك امبوسيبل تقدري راني نقولك . نطق خالي شوفي بنتي صح تبقاي شهرين ولا ثلاثة في مصحة خير من تبقاي حياتك كامل هكذا تشربي في الدوا قاتلوا حتى دوا عندو آثار جانبية إذا بقات بيه اكثر في المصحة عندهم بروتوكول كامل هما يتهلاو فيها اكثر من في الدار . قتلهم بصح أنا منيش باغية نروح نبقى وحدي . قاتلي أنا نكون ثما معاك كل يوم جوليا ويجيو عندك يزوروك . هبطوا دموعي قتلها بصح أنا منيش باغية تعيشي ريان مكانش حل آخر ياك انتي تعرفي حالتي ديريلي بروتوكول كيما قلتي هنا في دار ونوعدك ما نخالف حتى حاجة . تنهدت قتلي مستحيل جوليا متقدريش وحدك . شفت مع اصيل ما تقول والوا راح تخليهم يحطوني في سبيطار لمهابل ، شاف معايا بقا. ساكت قتلوا انت أصلا من بكري باغيني نروح . وقفت قتلهم ديرو لي تبغوه ميهمنيش . وخرجت
