Unicode
"ပြီးတော့ ဘာရှိသေးလဲ "
ပိုင်ယွိထန်က ဝင်မေးသည်။
ကုန်းစွန်းက ခေါင်းခါသည်။
"အလောင်းလဲ မကျန်တော့ဘူး တခြားဓာတ်ပုံတွေလဲ မရှိဘူး ငါတို့တွေ့ချင်တဲ့ ချောင်ဝေ့မင်ပဲ ကျန်တော့တာ "
" ခင်ဗျားက သူ့မှာတခြားဓာတ်ပုံတွေ ရှိသေးတယ်လို့ ယူဆတာလား "
ကျန်ကျောက်က မေးလိုက်သည်။
ကုန်းစွန်းက ခေါင်းညိတ်သည်။
" အတွင်းပိုင်း ခန္ဓာဗေဒကိုပဲ ကြည့်လေ.. သူက အတွင်းဒဏ်ရာနဲ့ဆေးသုံးတဲ့ လက္ခဏာတွေ မတွေ့ရဘူးလို့ပဲ ရေးထားတာ "
" အလောင်းရဲ့ အသားစတို့ဘာတို့ စုဆောင်းထားတာမျိုး မရှိနိုင်ဘူးလား"
ပိုင်ယွိထန်၏အမေးကို ကုန်းစွန်းက ခေါင်းခါ၍ ငြင်းသည်။
" မဖြစ်နိုင်ပါဘူး.. အဲ့လိုစုတတ်ဆောင်းတတ်သူကလွဲလို့ပေါ့ "
" ဘယ်လိုအရူးက အသားစ စစ်ဆေးထားတဲ့ဟာတွေကို တယုတယ စုထားမှာလဲ"
ကျောက်ဟူက ဒီအတိုင်းရိုးရိုးလေး ပြောလိုက်ပေမဲ့ ကုန်းစွန်းက သူ့ကို အေးစက်စက်ပြုံး၍ စိုက်ကြည့်နေသည်။
"ဘယ်လိုပဲဖြစ်ဖြစ် ချောင်ဝေ့မင်ကို တွေ့ရင်တော့ သဲလွန်စတွေ ရမှာပါ "
ပိုင်ယွိထန်က စကားဝိုင်းကို အဆုံးသတ်သည်။
" ချောင်ဝေ့မင်ကို သွားတွေ့ရအောင် ဒါပေမဲ့ သွားမတွေ့ခင်..."
" Bao Sir ရုံးခန်းကို သွားပြီးတော့ ဒီအမှုနဲ့ ပတ်သက်တာတွေ မေးမလို့လား "
ကျန်ကျောက်က ပိုင်ယွိထန်ကို ဖြတ်မေးလိုက်သည်။
ပိုင်ယွိထန်က ခေါင်းညိတ်၏။
"အရမ်းသံသယဖြစ်စရာကောင်းနေတာ Bao Sir တော့ တစ်ခုခုသိနေမှာ "
ထို့နောက် လော့ထျန်နှင့် ကုန်းစွန်းတို့ အပြင်ထွက်စောင့်နေကြပြီး ကျန်ကျောက်နှင့် ပိုင်ယွိထန်တို့က Bao Sir ရုံးခန်းသို့ သွားကြသည်။
ပေါင်ကျန်က ရုံးခန်းထဲတွင် ကော်ဖီသောက်ရင်း အေးအေးလူလူ စာဖတ်နေသည်။ သူတို့နှစ်ယောက်ဝင်လာတော့ လှမ်းမေးသည်။
" ဘယ်လိုလဲ ကျောင်းသူလေး ကိုယ့်ကိုယ်ကို သတ်သေတဲ့အမှုက တော်တော်ဆိုးလို့လား.. ကျောင်းက အခုနပဲ ဖုန်းလှမ်းဆက်ပြီး မေးနေတာ"
YOU ARE READING
Special Crime Investigation Journal Of Mystery Book 2 - Completed
Mystery / ThrillerOur S.C.I leader Mouse Xiao Bai and Cute Psychologist Cat Zhan Zhao's love story
