Unicode
ကျန်းရင်းက သူပေးချင်သည့် အချက်အလက်မှာ ဘယ်လောက်အရေးကြီးကြောင်း ပြောဆိုကာ ပေါင်ကျန့်နှင့် ကိုယ်တိုင်တွေ့ကာ ပြောပြလိုကြောင်း ဆိုသည်။ ထပ်ပြောရမည်ဆိုလျှင် ကျန်ကျောက်နှင့် ပိုင်ယွိထန်ကို သူ့ကိုကာကွယ်ဖို့ အစောင့်ထားပေးရန် တောင်းဆိုသေးသည်။ ဒီအချက်အလက်ကြောင့် သူ့ကို လူတွေ လိုက်သတ်နေသည်ဟု ပြောသေးသည်။
ကျန်ကျောက်နှင့် ပိုင်ယွိထန်တို့က အချင်းချင်းတစ်ယောက်ကိုတစ်ယောက်ကြည့်၍ အခန်းထဲဝင်ကာ ဆွေးနွေးကြသည်။
" ရှောင်ပိုင်.. ဒီအမျိုးသမီးက ထူးဆန်းနေတယ်လို့ ငါထင်တယ်"
ကျန်ကျောက်က စပြောသည်။
" အင်း"
ပိုင်ယွိထန်က ခေါင်းညိတ်ကာ ဆက်ပြောသည်။
" Bao Sir က်ို မေးကြည့်မှာလား"
" အင်း"
ကျန်ကျောက် သဘောတူလိုက်တော့ ပိုင်ယွိထန်က ဖုန်းထုတ်ကာ ပေါင်ကျန့်ကို ဖုန်းခေါ်သည်။ ခဏစကားပြောပြီးနောက် ပေါင်ကျန့်က ရဲစခန်းတွင် ရှိနေသေးသည်ဟုဆိုကာ ချက်ချင်းလာခဲ့မည်ဟုပြောလေသည်။
ပိုင်ယွိထန်လဲ ဖုန်းချကာ ကျန်ကျောက်ကိုခေါ်၍ အပြင်ထွက်လာသည်။
" Bao Sir က ရုံးခန်းထဲမှာပဲ ရှိသေးတယ် ပြီးတော့
မကြာခင် လိုက်လာလိမ့်မယ်တဲ့"
ကျန်းရင်းက ခေါင်းညိတ်ကာ မာရှင်းဘက်လှည့်ပြောလိုက်သည်။
" ညီမလေး... အမကို အိမ်သာလေး လိုက်ပို့ပေးလို့ရမလား"
" အာ ရပါတယ်"
မာရှင်းက ကျန်းရင်းကို တွဲထူကာ ကျန်းရင်းက ထော့နဲ့ထော့နဲ့နှင့် အိမ်သာထဲ ဝင်သွားကြသည်။
ပိုင်ကျင်းထန်က ကုန်းစွန်းကိုမေးလိုက်သည်။
" ကိုယ်တို့ အရင် ပြန်အိပ်ကြမလား"
ကုန်းစွန်းက မလိုက်ချင်။
" ကျွန်တော် ရုံးခန်းပြန်ပြီး ရင်ခွဲတာ လက်စသတ်ရမယ်"
ထို့နောက် ပိုင်ယွိထန်နှင့် ကျန်ကျောက်ကို ပြောလိုက်သည်။
" ကျန်းရင်းကို ဂရုစိုက်ဖို့ ငါ မာရှင်းကို ထားခဲ့မယ်.. ငါ ရုံးခန်းပြန်ရမှာမို့လို့"
ပိုင်ယွိထန်က သူ့ကို ဝါးစားမတတ် စိုက်ကြည့်နေသည့် ပိုင်ကျင်းထန်ကြောင့် ချက်ချင်းပြောလိုက်သည်။
" အာ.. ကုန်းစွန်း.. ဒီနေ့တော့ အိမ်ပြန်အိပ်လိုက်ပါ.. အလောင်းခွဲတာ မနက်ဖြန်မှ ဆက်လုပ်ပါ.. အဲ့လောက်မကြာလောက်ပါဘူး"
YOU ARE READING
Special Crime Investigation Journal Of Mystery Book 2 - Completed
Mystery / ThrillerOur S.C.I leader Mouse Xiao Bai and Cute Psychologist Cat Zhan Zhao's love story
