Special Crime Investigation Journal Of Mystery Book 2 - Completed

Love Murder 08 - ရွှေရောင်ဆံပင်ပိုင်ရှင်

Unicode

လီဟောက်က လက်ကိုခါရင်း ​ပြန်ပြောလိုက်ရသည်။
" အော် လက်စသတ်တော့ SCI ဖြစ်နေတာကိုး.. ဒါနဲ့ SCI မှာ စိတ်ပညာဆရာဝန်တစ်ယောက်ရှိတယ်လို့ ကြားဖူးနေတာ.. ဒေါက်တာကျန်ကျောက်ဆိုတာ.. ကျွန်တော် သူ့စာအုပ်တွေ အကုန်ဖတ်ဖူးတယ်ဗျ သူက ကျွန်တော့်အိုင်ဒေါပဲ"

ပိုင်ယွိထန်က မျက်လုံးကျုံ့၍ ကြည့်ကာ ကျန်ကျောက်ကတော့ ပြုံးသွားသည်။
" ကျွန်တော်က ကျန်ကျောက်ပါ.. မစ္စတာလီက စိတ်ပညာကို စိတ်ဝင်စားတာလား"

လီဟောက်မျက်နှာက အံ့အားသင့်သွားမှန်း သိသာအောင် လုပ်နေသလိုပင်။ တကယ့်အိုင်ဒေါကို တွေ့လိုက်ရသလို ပါးစပ်အဟောင်းသားနှင့် ချက်ချင်း ရှေ့တိုးလာသည်။

" မမျှော်လင့်ထားဘူးဗျာ.. တကယ် မမျှော်လင့်ထားဘူး.. စိတ်ပညာကို ထုံးလိုကြေ ရေလိုနှောက်နိုင်တဲ့ ပညာရှင်က အသက်ကြီးကြီးဖြစ်ရမယ်လို့ ကျွန်တော်ထင်ထားခဲ့တာ.. ဒီလောက်ငယ်ငယ်လေးမှန်း ကျွန်တော်လုံးဝ မထင်ထားခဲ့ဘူး"

ကျန်ကျောက်က ပြုံးနေသည်။
" ကျေးဇူးပါ"

ပိုင်ယွိထန်က လီဟောက်ကို စိတ်မရှည်သလိုကြည့်ရင်း  ဝင်ပြောလေသည်။
" မစ္စတာလီ.. စကားစမြည်တော့ နောက်မှ ပြောကြတာပေါ့.. အနုပညာပစ္စည်းတွေ အခိုးခံရမှုအတွက် ကျွန်တော်တို့ မေးစရာရှိသေးတယ်"

" အော် ဟုတ်သားပဲ.. ကျွန်တော် အရမ်းဝမ်းသာလို့ စိတ်လှုပ်ရှားသွားမိလို့ပါ"
ထို့နောက် လီဟောက်က သူတို့ကို လက်ဟန်ပြသည်။
" အဲ့ဒါဆို ကျွန်တော့်ရုံးခန်းကို လိုက်ခဲ့ကြပါဗျ"

ထို့နောက် သူက ရှေ့ကဦးဆောင်၍ သွားလေသည်။

ကျန်ကျောက်က ပိုင်ယွိထန်ကို မျက်ခုံးတစ်ဖက်ပင့်၍ ကြည့်သည်။.... ဒီလူက သဘောကောင်းတဲ့ပုံပဲ.. စီးပွားရေးသမားနဲ့ သိပ်မတူဘူး.. ဟန်ဆောင်နေတာများလား...

ပိုင်ယွိထန်က ကျန်ကျောက်အပေါ် သိသိသာသာ ကြွေဆင်းနေသည့် လီဟောက်၏ အပြုအမူကို ကျေနပ်နေသည့်ပုံမပေါ်။ သူ့ကိုလိုက်ကြည့်နေသည့် ကျန်ကျောက်ကို ပြန်ကြည့်ကာ နှုတ်ခမ်းတွန့်ပြလိုက်သည်။ .... ဟန်ဆောင်နေတာပဲ ဖြစ်မှာ .. မဟုတ်ရင် ငါ သူ့ကိုလုပ်တော့မှာ..