Special Crime Investigation Journal Of Mystery Book 2 - Completed

Love Murder 30- ချစ်ခြင်းနိဂုံး ( အမှုအဆုံးသတ်)

Unicode

ကျန်းရင်းက  သူမနှင့် ရွှီထျန်းတို့ ထိုလူနောက် ခက်ခက်ခဲခဲ လိုက်ခဲ့ရပုံ အသေးစိတ်ကို ရှင်းပြသည်။ အဆိုပါ သွေးစုပ်ဖုတ်ကောင်အယောင်ဆောင်မှာ အတော်လေး ဉာဏ်များကာ တော်လွန်းနေသောကြောင့်လဲ ပါ၏။ ထိုအချိန်က သတင်းဆက်သွယ်ရေးရော မီဒီယာပါ တိုးတက်မှု သိပ်မရှိသေး။ ထို့ကြောင့် သဲလွန်စလေးတစ်ခုသိရန်ကိုပင် လူအတော်များများ လိုက်မေးရလေသည်။

" နောက်ဆုံးတော့ သူ့ကို တွေ့ခဲ့ရလား"
ကျန်ကျောက်က သူ့စကားကို နားထောင်ပြီးနောက် ပြန်မေးလိုက်သည်။
" အဲ့ဒါဆို ပြတိုက်က အခိုးခံလိုက်ရတဲ့ ပစ္စည်းတွေက ရော ဘယ်လိုဖြစ်တာလဲ"

" အဲ့ဒါက ပြောရရင်တော့ အရှည်ကြီးပဲ"
ကျန်းရင်းက သက်ပြင်းချသည်။
" အများကြီးလဲ ရှုပ်ထွေးတယ်"

ကျန်ကျောက်နှင့် ပိုင်ယွိထန်တို့က ခေါင်းညိတ်၍ ကျန်းရင်း ဆက်ပြောမည့်စကားကို နားထောင်နေသည်။

" အဲ့ဒီ့တုန်းက ကျွန်မနဲ့ အားထျန်း နှစ်ယောက်လုံး သွေးစုပ်ဖုတ်ကောင်တွေရဲ့ အကြောင်းကို လိုက်လေ့လာနေကြတုန်းလေ..  နောက်ပိုင်း ကံကောင်းထောက်မပြီး သိလိုက်ရတာက သွေးစုပ်ဖုတ်ကောင်တွေအကြောင်း လေ့လာနေတဲ့ လူတစ်ယောက် ထပ်ရှိနေသေးတာကိုပဲ"
ကျန်းရင်း ဆက်ပြောနေသည်။
" အဲ့ဒီ့သဲလွန်စနောက်ကိုလိုက်ရင်း တဖြည်းဖြည်း ရုပ်လုံးပေါ်လာတာပဲ.. နောက်ဆုံး ရှင်တို့သိထားသလိုပဲ အဲ့ဒီ့လူကိုသာ သတ်နိုင်ရင် ပြဿနာပြီးသွားနိုင်တာပဲလေ"

" အဲ့ဒါဆို ခင်ဗျားနဲ့ ရွှီထျန်းတို့ရဲ့ လုပ်နိုင်စွမ်းတွေက ဘာလို့သူများတွေနဲ့ မတူတာလဲ"
ကျန်ကျောက်က ကြောင်အစွာ ပြန်မေးသည်။

" ဟုတ်တယ်"
ပိုင်ယွိထန်လဲ ဇဝေဇဝါဖြစ်နေပုံရသည်။
" ခင်ဗျားက နာကျင်မှုကို ခံစားနိုင်ပုံမရဘူး"

" ဘာလို့လဲဆိုတော့ အဲ့ဒီ့သွေးစုပ်ဖုတ်ကောင်အယောင်ဆောင်နောက်ကို ကျွန်မတို့ လိုက်နေတဲ့အချိန်တုန်းက သူတို့ကိုလိုက်ရှာနေတဲ့ နောက်အဖွဲ့တစ်ဖွဲ့လဲ ရှိသေးတယ်... အဲ့ဒီ့အဖွဲ့က လူတွေကပဲ ကျွန်မနဲ့ အားထျန်းကို လှည့်ကွက်လေးတွေ လုပ်တတ်အောင် သင်ပေးသလို ဖြစ်သွားတာပေါ့"