Special Crime Investigation Journal Of Mystery Book 2 - Completed

Love Murder 27- Mysterious Cargo

Unicode

ကျန်ကျောက်က ပိုင်ယွိထန်ကိုခေါ်ကာ ပါရီ၏ ပုံတူကို ပြသည်။ ထို့နောက် ပိုင်ယွိထန်လဲ ကျန်းပင်ကို ဖုန်းလှမ်းဆက်၍ ပုံတူပန်းချီကားကို စစ်ဆေးခိုင်းကာ သဲလွန်စရှာတွေ့ရန် မျှော်လင့်ကြသည်။

ထိုအချိန်တွင် လီဟောက်က စင်ပေါ်တက်ကာ လေလံပွဲကို စတင်နေသည်။ အစီအစဉ်တင်ဆက်သူက လေလံပွဲကို လွှဲပြောင်းယူသည့်အချိန်တွင်တော့ လီဟောက်လဲ စင်ပေါ်မှဆင်း၍ အသက်သုံးဆယ်ခန့်လူတစ်ယောက်နှင့် စကားအနည်းငယ်ပြောပြီးနောက် ဓာတ်လှေကားဆီသို့ အတူလျှောက်သွားကြသည်။

" ဘာမှလဲ မသိခဲ့ရဘူး"
ကျန်ကျောက်က နောင်တရနေသလိုပြောတော့ ပိုင်ယွိထန်က ပြုံးရယ်၍ နားကြပ်တစ်စုံထုတ်ကာ ကျန်ကျောက်နားထဲ တပ်ပေးလိုက်သည်။

ပထမတော့ ကျန်ကျောက်လဲ ကြောင်အသွား​ပေမဲ့ မကြာခင်မှာပင် လူစကားပြောသံများကို ကြားလိုက်ရ၏။ ထို့နောက် လီဟောက်အသံလဲ ပါလာသည်။

" ကျန်ကျောက်နဲ့ ပိုင်ယွိထန်တို့က အမှုစုံစမ်းဖို့ ရောက်လာကြတာ... အခုတလော အခြေအနေတွေလဲ ကြပ်နေတယ်... ဒီပစ္စည်းတွေ ကိုင်တွယ်တဲ့နေရာမှာ ဂရုစိုက်ဖို့လိုတယ်"

လီဟောက်က တခြားတစ်ယောက်ကို ပြောနေသည်။

"သိပါတယ်"
တခြားသူက ပြန်ဖြေ၏။
" အခုတလော အဲ့မိန်းမက နေရာစုံမှာ ပြဿနာရှာနေတာ"

" သူ့ကို ဂရုစိုက်မနေနဲ့"
လီဟောက်က ပေါ့ပါးစွာ ပြန်ပြောလိုက်သည်။
" သူနဲ့ သွားမပတ်သက်မိအောင်ပဲ ဂရုစိုက်.. ပစ္စည်းတွေ လက်ထဲရောက်တာနဲ့ သင်္ဘောပေါ် တင်ပေးလိုက်"

" မနက်ဖြန် တင်ဖို့စီစဉ်ထားပါတယ်"
တခြားသူက ပြန်ဖြေ၏။

" ဒီညပဲ ပို့လိုက်"

" ကောင်းပါပြီ"

ထိုအချိန်တွင် ဓာတ်လှေကားတံခါးပွင့်သံကို ကြားလိုက်ရသည့်အတွက် ကျန်ကျောက်က ပိုင်ယွိထန်ကို  မော့ကြည့်သည်။ ပိုင်ယွိထန်က ဓာတ်လှေကားထဲ အသံဖမ်းစက်တစ်ခု ထည့်ခဲ့ခြင်းဖြစ်ရမည်။

" ကောင်းပြီလေ"
ကျန်ကျောက် ပြုံးနေသည်။

ထိုအချိန်တွင် ပိုင်ယွိထန်က ဖုန်းထုတ်လိုက်၏။
" ကျန်းလုံနဲ့ ဝမ်ချောင်တို့လဲ ငါနဲ့အတူပါလာတယ်"